ოზურგეთის საკრებულოს შენობაში დაპირისპირება მოხდა.

„ნაციონალური მოძრაობის“ წევრებმა, რომლებიც პარტიის წევრის, ბესო ქათამაძის ცემის ფაქტთან დაკავშირებით, დილიდან საპროტესტო აქციას მართავენ, შენობაში შესვლა სცადეს, თუმცა მათ ამის საშუალება სამართალდამცველებმა არ მისცეს. აღნიშნულს აქციის მონაწილეებსა და პოლიციას შორის დაპირისპირება მოჰყვა.

ენმ-ს საკრებულოს დეპუტატები - ბესო ქათამაძე და დავით მჟავანაძე, აცხადებენ, რომ სამართალდამცველები მათ საკუთარ კაბინეტებში შესვლის უფლებას არ აძლევენ.

ადგილზე შეკრებილები რიგგარეშე სხდომის ჩატარებას და მანდატების ჩამორთმევას ითხოვენ იმ დეპუტატებისთვის, რომლებიც მათ თანაგუნდელს ფიზიკურად გაუსწორდნენ. მათი ერთ-ერთი მოთხოვნა ასევე საკრებულოს თავმჯდომარის თანამდებობიდან გადადგომაა. მოთხოვნების შეუსრულებლობის შემთხვევაში ისინი პერმანენტულ აქციებს აანონსებენ.

შეგახსენებთ, 15 ივნისს, ოზურგეთის საკრებულოში ფიზიკური დაპირისპირება მოხდა. როგორც „ნაციონალური მოძრაობის“ დეპუტატმა ბესო ქათამაძემ განაცხადა, იგი „ქართული ოცნების“ დეპუტატებმა ოფისში დაიბარეს და ფიზიკურად გაუსწორდნენ. მომხდართან დაკავშირებით შსს-მ „ოცნების“ დეპუტატს ტარიელ აროშიძეს ბრალი წარუდგინა სსკ-ის 126-ე მუხლის პირველი ნაწილით, რაც ცემას გულისხმობს.

ავტორი: ,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები