თბილისის საქალაქო სასამართლომ სრულად გაიზიარა ბრალდების მხარის მოთხოვნა და ხორავას ქუჩაზე მოზარდების მკვლელობის საქმეზე მოწმეების მოსყიდვისა და დაშინების ბრალდებით დაკავებულ მერაბ მორჩაძეს წინასწარი პატიმრობა შეუფარდა.

თუმცა, თავად მორჩაძე ბრალს არ აღიარებს. მორჩაძე ამბობს, რომ მოსყიდვის მცდელობას ადგილი არ ჰქონია და მიხეილ კალანდიას მხოლოდ რჩევები მისცა.

 მისივე თქმით, ის სულ სამჯერ იმყოფებოდა კალანდიების სახლში, თუმცა მას პირადი საუბარი მიხეილ კალანდიასთან არ ჰქონია.

„რა ზეწოლაზეა საუბარი? რა თანხა შევთავაზე ? არ დავლაპარაკებივარ მას დედამისის გარეშე. გასული იყო თვენახევარი მე რომ მივედი ამ ბავშვებთან.  სპეციალურად არ მივდიოდი სანამ არ მივიღე მესიჯი: „მერაბ, ჩვენ მეტი რა გაგვიჭირდება? სად ხარ? რატომ არ მოდიხარო?". ტელეფონის ნომერი ვერ ვიცანი და ჩავთვალე, რომ რეკავდა ეს ხალხი, და იმის გამო რომ ესენი არიან ჩვენი ახლო ნათესავები. არც არაფერი ფული შემითავაზებია სიტყვაც კი არ მითქვამს, ან ესე თქვი მიშა, ან ისე თქვი. მან მკითხა, მერაბი ბიძია,  როგორ მოიქცეოდი ჩემს ადგილზეო? მე ვუთხარი, რომ შენ უნდა თქვა სიმართლე, მოდი შვილო სიმართლე ილაპარაკე რაც შენ დაინახეა. ამის მეტი სიტყვა არ მითქვამს“,- განაცხადა მორჩაძემ  სასამართლო სხდომაზე.

ავტორი: ,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა