ვითხოვ, ძალიან კონკრეტულად დასახელდეს, სად რომელი ფრაზა იყო ისეთი, რაც ზაზა სარალიძემ შეურაცხმყოფელად ჩათვალა, - ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ განაცხადა.

დეპუტატი პარლამენტის დროებით საგამოძიებო კომისიაში მისი აცილების შესახებ სარალიძის მოთხოვნას კიდევ ერთხლე გამოეხმაურა:

 „თუ ეს რაიმე სხვა სარჩულის მატარებელი არ არის, ვერ გავიგე ზაზა სარალიძის განცხადების მიზეზი და მე ვითხოვ, ძალიან კონკრეტულად დასახელდეს, სად რომელი ფრაზა იყო ის, სადაც მან ჩათვალა რომ იყო შეურაცხმყოფელი.  მე ვითხოვ რომ დაკონკრეტდეს. სხვაგვარად აბსურდამდე მივალთ ასე და მე ძალიან საინტერესოდ მეჩვენება გუშინ, მაგალითად, ბატონი ოთარ კახიძის განცხადება, რომელმაც პრაქტიკულად თქვა, რომ პოლიტიკური მოთხოვნები უკარნახეს ბატონ სარალიძეს და ათქმევინეს. მე მაინტერესებს მის მიმართ გაცხადდება თუ არა, როგორც კომისიის წევრის მიმართ უნდობლობა. ამაზე მძიმე ბრალდება არავსის უთქვამს და მე ამ საკითხს დავაყენებდი“,- აღნიშნა ეკა ბესელიამ.

 ბესელია ასევე მიიჩნევს, რომ მართლმსაჯულების აღსრულებისთვის სამარლთლებრივი გზით სიარული უმჯობესია.

„მე ვისურვებ, რომ პროცესები რომელიც დაწყებულია და ძალიან აქტიურად მიმდინარეობს სამივე მიმართულებით. ეს არის საგამოძიებო კომისია, გამოძიება რომელსაც შინაგან საქმეთა სამინისტრო აწარმოებს და სამართლებრივი პროცედურები. სამივე ეს პოლიტიკური ბერკეტი იყოს გამოყენებული მართლმსაჯულების აღსრულებისთვის. უმჯობესია ვიაროთ სამართლიანობის გზაზე კანონის მექანიზმების გამოყენებით და არა იმ ტიპის მეთოდებით, რომელიც მე მგონია რომ ამ პროცესს უბრალოდ არ ეხმარება“, -  განაცხადა ბესელიამ.

ავტორი: ,

სოციალური ქსელები

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა

აშშ აცხადებს, რომ ირანმა ჰორმუზის სრუტეში გემებზე თავდასხმა განაახლა