„ეს იყო პირველი ოფიციალური შეხვედრა ზაზა სარალიძესთან, ჩვენ ვისაუბრეთ იმაზე, თუ როგორ ვითანამშრომლებდით და მანაც გამოთქვა სრული მზადყოფნა კომისიასთან თანამშრომლობის“, - ამის შესახებ ხორავას ქუჩაზე მოკლული მოზარდის მამასთან შეხვედრის შემდეგ, პარლამენტის დროებითი საგამოძიებო კომისიის თავმჯდომარე სერგი კაპანაძემ ჟურნალისტებს განუცხადა.

როგორც მან აღნიშნა, კომისია საქმის მასალებს დღესვე ელოდება.

„ბატონ ზაზას ბევრჯერ დაუსახელებია კონკრეტული გვარები და თავისი ვერსია ამ საქმესთან დაკავშირებით და ახლა ძალიან მნიშვნელოვანია, რომ კომისიასთან მოვიდეს ეს მასალები. ჩვენ ასევე მოვისმენთ ყველა სხვა მხარეს და მე შემიძლია მთელი პასუხისმგებლობით გითხრათ, რომ კომისია ყველა ამ ინფორმაციაზე დაყრდნობით მიიღებს გადაწყვეტილებას იმ მიზნით, რომ იქნას სიმართლე გამოკვლეული. ყველი ის ადამიანი რომელიც ფიგურირებს ამ საქმეში იქნება დაბარებული, არავის არ აქვს იმუნიტეტი, ჩვენ გაქვს მოლოდინები რომ მტკიცებულებიბი ჩვენთვის იქნება გადმოცემული უმოკლეს დროში და ველოდებით რეალურად დღეს“, - აღნიშნა სერგი კაპანაძემ.

სერგი კაპანაძემ ასევე ისაუბრა ეკა ბესელიას კომისიიდან აცილებაზე. როგორც მან აღნიშნა, მიუხედავად იმისა, რომ მას ესმის ზაზა სარალიძის, ეკა ბესელია მათთან თანამშრომლობას ჯერჯერობით გააგრძელებს.

„მე ძალიან კარგად მესმის, ბატონი ზაზას დამოკიდებულება ამ საკითხის მიმართ და თავის დროზე კარგი იქნებოდა შესაბამისი გადაწყეტილება მიეღო „ქართულ ოცნებას“, მაგრამ ახლა კომისია გააგრძელებს მუშაობას და ჩვენს შორის თანამშრომლობა იქნება, ამიტომ ბესელია რა გადაწყვეტილებას მიიღებს და როგორ, ეს უკვე მათ უნდა ჰკითხოთ. არავის არ ჰქონდეს ილუზია, რომ თავისი პოზიციიდან გამომდინარე, როგორმე გააჭიანურებენ გამოძიებას“,- განაცხადა სერგი კაპანაძემ. 

ავტორი: ,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს