აჭარის  მთავრობის თავმჯდომარე ზურაბ პატარაძე მუნიციპალიტეტის ხელმძღვანელ პირებთან ერთად, ქედაში გაზიფიცირების პროცესს გაეცნო. ამ ეტაპზე სამუშაოები აქტიურად მიმდინარეობს მახუნცეთის ტერიტორიაზე.  ქედის  65 კილომეტრიან მონაკვეთზე გაზიფიცირება 2019 წლის გაზაფხულის ნაცვლად, ერთ თვეში დასრულდება.  მილები უკვე ჩადებულია 51 კილომეტრზე.

გაზსადენი, რომლის  საერთო სიგრძე 65 162 მეტრია,ბუნებრივი აირით  სამ მუნიციპალიტეტს: ხელვაჩაურს, ქედასა და შუახევს უზრუნველყოფს.

"ამ პროექტს აქვს სტრატეგიული მნიშვნელობა. საკმაოდ ხანგრძლივ სამუშაოებს კომპანია ვადამდე ადრე ასრულებს. რეგიონში  ქობულეთიდან  და ადიგენიდან შემომავალი გაზსადენი მილების შეერთებით ადგილობრივ მოსახლეობას ექნება ბუნებრივი აირის ალტერნატიული მომარაგება. ეს არის სტრატეგიულად მნიშვნელოვანი პროექტი, რომელიც  გააუმჯობესებს ადგილობრივების ეკონომიკურ მდგომარეობას, ასევე ხელს შეუწყობს მწვანე საფარის შენარჩუნებას აჭარის ტერტორიაზე"-განაცხადა ზურაბ პატარაძემ სამუშაოების გაცნობის შემდეგ.

გაზსადენის გაყვანაზე ქედაში  ჯამში 90 ადგილობრივია დასაქმებული.  პროექტი პირველ ეტაპზე 11 000 აბონენტის გაზიფიცირებას უზრუნველყოფს. პროექტის ღირებულება 25 850 000 ლარს შეადგენს.

(NS)

ავტორი: ,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები