შინაგან საქმეთა სამინისტროს მცხეთა-მთიანეთის პოლიციის დეპარტამენტის და სასაზღვრო პოლიციის თანამშრომლებმა, დაშავებული მოქალაქის სტეფანწმინდიდან თბილისში გადმოყვანა სასაზღვრო პოლიციის ვერტმფრენით ოპერატიულად უზრუნველყვეს.

შსს-ს ცნობით, ყაზბეგის მუნიციპალიტეტის დაბა სტეფანწმინდაში 38 წლის მამაკაცმა ელექტროხერხით ფეხი დაიზიანა, რის შედეგადაც ბევრი სისხლი დაკარგა.

„შემთხვევის ადგილზე მისულმა ექიმებმა განაცხადეს, რომ, კატასტროფის ბრიგადის ჩასვლამდე, საჭირო იყო დაუყოვნებლივ პაციენტის ვერტმფრენით თბილისში ტრანსპორტირება და საავადმყოფოში მოთავსება, რადგან მის სიცოცხლეს საფრთხე ემუქრებოდა.

ამ დროისთვის, დაშავებული მამაკაცის სიცოცხლეს საფრთხე აღარ ემუქრება. მისი ჯანმრთელობის მდგომარეობა სტაბილურია და მკურნალობას  კლინიკაში განაგრძობს.

გამოძიება საქართველოს სისხლის სამართლის კოდექსის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს“, - ნათქვამია შსს-ს განცხადებაში.

(NS)

ავტორი: ,

სოციალური ქსელები

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის

რუსეთში იმპორტირებული ინდური ბენზინი რუსულ ბენზინზე ორჯერ ძვირი აღმოჩნდა

დეზინფორმაციული კამპანიით ცდილობენ ეჭვქვეშ დადგეს გელათის გადახურვის საკითხი – კომიტეტი

კობა ფარტენაძის თქმით, მას ბათუმში თავს კიდევ ერთხელ დაესხნენ