„ეს არის პროკურატურის და სასამართლო სისტემის სრული ჩავარდნა“, - ამის შესახებ პარტია „ევროპული საქართველოს“ წევრმა სერგი კაპანაძემ ხორავაზე მომხდარი მკვლელობის საქმეზე სასამართლოს მიერ მიღებულ განაჩენთან დაკავშირებით განაცხადა.

როგორც მან აღნიშნა, საქმესთან დაკავშრებით პარლამენტში საგამოძიებო კომისიის შექმნა აუცილებელია.

 „ეს არის სრული ჩავარდნა პროკურატურის, ეს არის სრული ჩავარდნა სასამართლო სისტემის და ამ კატასტროფულმა ჩავარდნამ  მიგვიყვანა შედეგამდე როდესაც დადგინდა, რომ ახალგაზრდა ბიჭი რომელსაც თორმეტი ჭრილობა აქვს მიყენებული, თურმე არავის არ მოუკლავს. აი ეს არის შედეგი ამ ვარხანალის და მარაზმის  რომელიც ხდებოდა. ჩვენ პარლამენტში რამდენიმე დღის წინ დავაყენეთ საკითხი, რომ შეიქმნას საგამოძიებო კომისია ამ თემასთნ დაკავშირებით. დღის წესრიგში ეს საკითხი არის 54-ე საკითხში. ძალიან მარტივად, ლოგიკურად ამ დღევანდელი დღის მოვლენებიდან გამომდინარე  მოვითხოვეთ ამით დაგვეწყო განხილვა“, - აცხადებს სერგი კაპანაძე.

თბილისის საქალაქო სასამართლომ ხორავას ქუჩაზე მომხდარი მკვლელობის საქმეზე განაჩენი გამოაცხადა. მკვლელობაში ბრალდებული ერთ-ერთი არასრულწლოვანი გ.ბ ლევან დადუნაშვილთან მიმართებაში სასამართლომ დამნაშავედ ცნო, მაგრამ გაამართლა დავით სარალიძის საქმის ნაწილში. მეორე ბრალდებული გ.ჯ სასამართლომ დავით სარალიძის საქმესთან დაკავშირებით დამნაშავედ ცნო, თუმცა არა მკვლელობის, არამედ განზრახ მკვლელობის მცდელობაში. რაც შეეხება სასჯელის ოდენობას აღნიშნულთან დაკავშირებით მოსამართლე ცალკე სხდომას ჩანიშნავს.

ავტორი: ,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა