სტუდენტები აღმასრულებლის საქმიანობას გაეცნენ

2018-05-29 10:21:08, 1935 ნახვა

საზოგადოება

საზოგადოებრივ საქმეთა ინსტიტუტის იურიდიული ფაკულტეტის სტუდენტები აღმასრულებლის პრაქტიკულ საქმიანობას გაეცნენ.

მომავალმა იურისტებმა აღმასრულებლებისგან მიიღეს ინფორმაცია სააღსრულებო წარმოების პროცედურების; სააღსრულებო სისტემის; სამართლებრივ სტატუსებისა და კომპეტენციის; სააღსრულებო წარმოების მონაწილეებისა და მათ სამართლებრივ მდგომარეობის; აღსრულების დაწყების სამართლებრივი საფუძვლების; აღსრულების ეტაპების; აღსრულების შედეგების შესახებ.

სტუდენტებმა განიხილეს პრაქტიკაში განხორციელებული საქმეები და კაზუსები. გაიმართა დისკუსია და განიხილეს რეალური შემთხვევები. მათ შორის, საუბარი შეეხო ალიმენტის, ჯარიმისა და გართულებული საქმეების კატეგორიებს.

პროექტის მიზანია, სტუდენტებში აღსრულების ეროვნული ბიუროსა და სააღსრულებო სისტემის შესახებ ცნობადობის ამაღლება; სააღსრულებო საქმიანობის შესწავლის ინტერესისა და ინიციატივის დანერგვა.

ტრენინგს სააღსრულებო თემატიკაზე აღსრულების ეროვნული ბიუროს აღმასრულებლები: გელა გელაშვილი, ეკატერინე მარხვაშვილი და ქეთევან მამადაშვილი უძღვებოდნენ.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები