სასამართლოში ხორავაზე მომხდარი მკვლელობის საქმეზე დღეს ერთ-ერთი არასრულწლოვანი ბრალდებული დაიკითხება

2018-05-28 10:59:53, 1294 ნახვა

სამართალი

თბილისის საქალაქო სასამართლოში, ხორავას ქუჩაზე მომხდარი მკვლელობის საქმეზე დღეს ერთ-ერთი არასრულწლოვანი ბრალდებული დაიკითხება.

დაცვის მხარის ინფორმაციით, დღეს მოზარდი სასამართლო დარბაზში დეტალურად ისაუბრებს როგორ და რა ვითარებაში მოკლეს არასრულწლოვნები და რა ხდებოდა მკვლელობის შემდეგ შემთხვევის ადგილზე.

ასევე, დღევანდელ პროცესზე შესაძლოა, ბრალდების მხარემ დასკვნითი სიტყვა წარმოთქვას.

„სხდომაზე დაიკითხება ბრალდებული, რომელიც ისაუბრებს მომხდართან დაკავშირებით, ის ისაუბრებს იმ დეტალებთან დაკავშირებით, იმ მოვლენებთან დაკავშირებით, რომელიც განვითარდა შემთხვევის ადგილზე. შესაძლებელია მოვისმინოთ ბრალდების დასკვნით სიტყვა. იმდენად გაბათილდა ბრალდების მხარის არგუმენტები, იმდენად უსუსურია ბრალდების მხარის პოზიცია, დაცვის მხარე სრულად დავადასტურებთ პოზიციას და მე მჯერა, რომ სასამართლო თუ სწორად შეაფასებს საქმეში არსებულ მტკიცებულებებს, არ გაიზიარებს ბრალდების მხარის უსაფუძვლო პოზიციას,“-განაცხადა ადვოკატმა ტარიელ კაკაბაძემ.

პროცესი საქალაქო სასამართლოში 13:00 საათზეა ჩანიშნული.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები