საქართველოს მთავარი პროკურორი ირაკლი შოთაძე მზადაა, ხორავას ქუჩაზე მოკლული მოზარდის, დავით სარალიძის მამას შეხვდეს და მის ყველა კითხვებს ამომწურავი პასუხი გასცეს.

შოთაძემ ხორავაზე მოკლული მოზარდების ოჯახებს სამძიმარი კიდევ ერთხელ გამოუცხადა და აღნიშნა, რომ საქმეზე პროკურატურამ განახორციელა ყველა საგამოძიებო მოქმედება, რაც შესაძლებელი იყო.

„პროკურატურა არის დაზარალებულების გვერდში ნებისმიერ სისხლის სამართლის საქმეზე. ვუსამძიმრებთ დადუნაშვილების და სარალიძეების ოჯახს და ვართ მათ გვერდში. მინდა გითხრათ, რომ საქართველოს პროკურატურამ განახორციელა ყველა საპროცესო და საგამოძიებო მოქმედება, რაც შეიძლებოდა ამ საქმეებზე განხორციელებულიყო. მე პირადად მზად ვარ, შევხვდე ბატონ სარალიძეს და გავცე ნებისმიერ კითხვაზე მას პასუხი. სისხლის სამართლებრივი დევნა დაწყებულია ხუთი პირის მიმართ დანაშაულის დაფარვის ფაქტზე, რაზეც საზოგადოებას ეცნობა და მიეწოდა დეტალური ინფორმაცია. ასევე  ამ ფაქტზე ინფორმირებულები არიან დაზარალებული გამოძიების შედეგების და მიმდინარეობის შესახებ“, - განაცხადა ირაკლი შოთაძემ.

შეგახსენებთ, გასული წლის პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკებისას ორი მოზარდი დაიჭრა. ერთ-ერთი საავადმყოფოში მიყვანამდე გზაში გარდაიცვალა, ხოლო მეორე მოზარდი - ინციდენტიდან მეორე დღეს. მკლელობის ბრალდებით ორი არასრულწლოვანია დაპატიმრებული, 5 პირი კი, დანაშაულის შეუტყობინებლობისთვის პასუხისგებაშია მიცემული.

ავტორი: ,

სოციალური ქსელები

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება