„მოვუსმინოთ მომავალს და მოვემზადოთ მისთვის“ - ამ სლოგანით გაიმართა საერთაშორისო კონფერენცია, რომლის მიზანია, საქართველოში სმენის არმქონე და სმენადაქვეითებული ბავშვების აბილიტაცია-რეაბილიტაციის საკვანძო საკითხებზე მსჯელობა და კონკრეტული გადაწყვეტილებების მიღება ასეთი კატეგორიის ბავშვებისადმი ადრეული ჩარევის სახელმწიფო სახელმძღვანელოს (გაიდლაინის) შესამუშავებლად.

კონფერენციაში მონაწილეობა მიიღო აჭარის ჯანდაცვის მინისტრის მოადგილემ, ზურაბ თენიეშვილმა, სევე, საქართველოს შრომის, ჯანმრთელობისა და სოციალური დაცვის მინისტრმა, დავით სერგეენკომ, საქართველოს განათლებისა და მეცნიერების მინისტრი მიხეილ ჩხენკელმა, დაავადებათა კონტროლისა და საზოგადოებრივი ჯანმრთელობის ეროვნული ცენტრის, საქართველოს პარლამენტის, თბილისის მერიისა და საკრებულოს ჯანდაცვისა და განათლების უწყებების წარმომადგენლებმა.

კონფერენციაზე გაფორმდება მემორანდუმი და ჩამოყალიბდება მრჩეველთა საბჭო, რომელიც შეიმუშავებს რეკომენდაციებს სმენის არმქონე და სმენადაქვეითების მქონე ბავშვების ჯანმრთელობის დაცვის და სკოლამდელი და სკოლის ასაკის განათლების ადრეული ჩარევის სახელმწიფო სახელმძღვანელოს (გაიდლაინის) ჩამოსაყალიბებლად.

კონფერენციის ინიციატორები და ორგანიზატორები არიან: საქველმოქმედო ფონდი „აი ია“, შპს „კიდსმენა“, „ყელ-ყურ ცხვირის ეროვნული ცენტრი ჯაფარიძე-ქევანიშვილის კლინიკა“ და „ველფეარ ფაუნდეიშენი“. კონფერენციის მხარდამჭერები არიან: ევროკავშირი, კოხლეარული იმპლანტის მწარმოებელი კომპანია Med-El-ი და კომპანია „მეღვინეობა შილდა“.

(NS)

ავტორი: ,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს