„ფაქტია, რომ იმ კლუბებში, სადაც ჩვენ საგამოძიებო მოქმედებები ჩავატარეთ სისტემატიურად იყიდებოდა ნარკოტიკული საშუალებები“, - ამის შესახებ შინაგან საქმეთა მინისტრის მოადგილე ნათია მეზვრიშვილმა „თეთრი ხამურის მოძრაობის“, სახალხო დამცველის და კლუბების წარმომადგენლებთან შეხვედრის შემდეგ განაცხადა.

მისი თქმით, შეხვედრის მონაწილეებს გააცნეს საქმეში არსებული მტკიცბულებები, მათ შორის ვიდეომასალა, რომელშიც კლუბებში ნარკოტიკების გასაღების ფაქტებია ასახული.

„დღეს გაიმართა უშუალოდ საუბარი იმასთან დაკავშირებით, თუ რატომ ჩავატარეთ საგამოძიებო მოქმედებები კლუბებში. მე ვფიქრობ, წარმოვადგინეთ დამაჯერებელი არგუმენტები, მტკიცებულებები უშუალოდ ვაჩვენეთ ამ ადამიანებს, მათ შორის ვიდეომასალა, სადაც ასახული იყო კლუბებში ნარკოტიკული საშუალებების გასაღების არაერთი ფაქტი.  გასაგებია, რომ აზრთა სხვადასხვაობა ამ საკითხთან დაკავშირებით ჩვენსა და კლუბების წარმომადგენლებს შორის არსებობს. მესმის, რომ მათ არ უნდათ დადასტურებული ფაქტების აღიარება ალბათ გარკვეული მიზეზების გამო, თუმცა ფაქტია, რომ იმ კლუბებში, სადაც ჩვენ საგამოძიებო მოქმედებები ჩავატარეთ სისტემატიურად იყიდებოდა ნარკოტიკული საშუალებები“, - განაცხადა მეზვრიშვილმა.

რაც შეეხება სპეცოპერაციის დროს კლუბის გარეთ მიმდინარე მოვლენებს, მეზვრიშვილის განცხადებით, სამართალდამცველების მხრიდან რაიმე დარღვევის შესახებ ინფორმაცია მათთან ან სახალხო დამცველთან ამ დრომდე არ შესულა.

„ვისაუბრეთ მოერე მიმართულებითაც. კერძოდ, შეხვედრის მონაწილეებმა დააყენეს საკითხი იმასთან დაკავშირებით, მოხდა თუ არა ადამიანის უფლებების დარღვევის ფაქტები უშუალოდ  კლუბების გარეთ სამართალდამცველი ორაგნოების წარმომადგენლების მხრიდან. ამ საკითხთან დაკავშირებით ჩვენ შორის აზრები გაიყო, თუმცა ჩვენ ცალსახად ვაცხადებთ, რომ ამ საკითხებს შევისწავლით, უშუალოდ პოლიციასა და აქციის მონაწილეებს შორის კონტაქტის დროს რაიმე სამართალდარღვევას ჰქონდა თუ არა ადგილი, თუმცა ამ ადამიანებსაც ვთხოვეთ, რომ ჩვენამდე, არც სახალხო დამცველის წარმომადგენლებამდე რაიმე ტიპის დარღვევის შესახებ ინფორმაცია შემოსული არ არის. თუ ასეთი დაფიქსირდება მზად ვართ ვითანამშრომლოთ ინტენსიურ რეჟიმში სახალხო დამცველის წარმომადგენელთანაც, შესაბამის ორგანოებთან, პროკურატურასთანაც“, - განაცხადა მეზვრიშვილმა.

ავტორი: ,

სოციალური ქსელები

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის