2018-05-15 21:08:55, 1577 ნახვა

---

ბურჯანაძე - ომბუდსმენის აპარატში 12 მაისს პოლიციის მხრიდან ძალის შესაძლო გადამეტების შესახებ განცხადება არ შესულა

სახალხო დამცველის მოადგილის გიორგი ბურჯანაძის ინფორმაციით, ომბუდსმენის აპარატში 12 მაისს პოლიციის მხრიდან ძალის შესაძლო გადამეტების შესახებ განცხადება არ შესულა.

ბურჯანაძის თქმით, ომბუდსმენმა დღეს სპეცოპერაციის ვიდეო-ჩანაწერები გამოითხოვა.

“დღევანდელ შეხვედრაზე ვიმსჯელეთ უშაულოდ ჩხრეკის და საგამოძიებო მოქმედებების შესახებ, რომელიც ჩატარდა 11-12 მაისს ღამის კლუბებში. ვისაუბრეთ ასევე მანიფესტაციის დროს განვითარებულ მოვლენებზე. შევთანხდმით, რომ შსს გარკვეულ ვიდეო-მასალებს მოგვაწვდის. ასევე ჩვენ შევისწავლით ყველა ინფორმაციას. სახალხო დამცველი შეისწავლის ყველა საკითხს და საბოლოო ჯამში დავადგენთ თუ რამდენად პროპორციული ძალა იყო გამოყენებული მანიფესტაციის დროს. ჩვენ ასევე ვაპირებთ შევისწავლოთ ადმინისტრაციულ სამართალდარღვევათა საქმეები, ანუ ყველა იმ პირის საქმე, რომელიც ადმინისტრაციული წესით იყო დაკავებული", - განაცხადა ბურჯანაძემ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი