2015-01-19 13:54:08, 1663 ნახვა
საზოგადოება
მამა ილია კარტოზიას ცხედარი სამების ტაძრიდან გაასვენეს
მამა ილია კარტოზიას ცხედარი, სამების საკათედრო ტაძრიდან გაასვენეს.
მას სვეტიცხოვლის საკათედრო ტაძარში დაასვენებენ, სადაც მთელი დღის განმავლობაში იქნება ღვთისმსახურება. სასულიერო პირები სულის მოსახსენიებელ პანაშვიდს გადაიხდიან, წაიკითხება სახარება, შესრულდება საღმრთო ლიტურგია, შემდეგ კი, ჩატარდება წესის აგება.
20 იანვარს მამა ილია კარტოზიას დავით აღმაშენებლის სახელობის მამათა მონასტრის ეზოში დაკრძალავენ, სადაც მსახურობდა.
შეგახსენებთ, რომ ბორან „ნორმან ატლანტიკზე“ საქართველოს 8 მოქალაქე იმყოფებოდა. მათგან შვიდის გადარჩენა მოხერხდა, მამა ილია კი ზღვაში დაიხრჩო. მან ბორანზე ადგილი ბავშვიან ქალს დაუთმო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
