„სახელმწიფომ გაბედა და დაუპირისპირდა ამ ქვეყნის ჯანსაღ საზოგადოებას - ისინი ამისთვის პასუხს აგებენ“, - ასე მიმართა პარლამენტთან მიმდინარე საპროტესტო აქციის მონაწილეებს ერთ-ერთმა ორგანიზატორმა, „თეთრი ხმაურის მოძრაობის“ ლიდერმა ბექა წიქარიშვილმა.

როგორც მან აღნიშნა, გუშინ ჩატარებული სპეცოპერაცია იყო დარტყმა ქართულ დემოკრატიაზე.

„ის რაც გუშინ მოხდა, ეს არ იყო დარტყმა კლუბებზე, ეს არ იყო დარტყმა იმ ჯგუფებზე, ვინც იბრძვის ჰუმანური ნარკოპოლიტიკისთვის, ეს იყო დარტყმა თითოეულ თქვენგანზე, ქართულ დემოკრატიაზე. სახელმწიფომ გაბედა და დაუპირისპირდა ამ ქვეყნის ჯანსაღ საზოგადოებას და ისინი ამისთვის პასუხს აგებენ. საკითხი დღეს ასე დგას - ვაპატიებთ ამას, და ვიქნებით სისტემის მონები, თუ ვიქნებით თავისუფლები. ჩვენ სხვა არჩევანი არ გვაქვს. არ უნდა ვაპატიოთ მათ ეს ყველაფერი. მათ ფეხქვეშ გათელეს საღი აზრი. ვხედავთ ბოლო ორი თვის განმავლობაში, ყველაფერ აკეთებენ, რომ პროპაგანდისტული მანქანით დაუპირისპირდნენ პროგრესულ გზას და გზას უთმობენ ბნელეთს, ადამიანებს, რომლებიც ბედავენ, რომ ჩვენ ამ ქვეყნის მოქალაქეები გამოგვაცხადონ კანონგარეშე, არაადამიანებად. ბედავენ რომ გვაწამონ, მათ ხელში არის ეს ინსტრუმენტები, მაგრამ ჩვენ ხელში არის საზოგადოებრივი ძალა და უნდა იცოდნენ, რომ ქვეყანაში ძალაუფელბა ეკუთნის ხალხს და არა სკამებზე მომსხდარ ჩინოვნიკებს“, - განაცხადა ბექა წიქარიშვილმა.

ცნობისთვის, თბილსში, პარლამენტის შენობასთან ღამის კლუბებში ჩატარებულ სპეცოპერაციასთან დაკავშირებით საპროტესტო აქცია მიმდინარეობს. აქციის მონაწილეების მოთხოვნებია: დაუყოვნებლივ დატოვოს თანამდებობა პრემიერმა გიორგი კვირიკაშვილმა; უპირობოდ გადადგეს საკუთარ ხალხზე მოძალადე შს მინისტრი გიორგი გახარია; დაისაჯოს 12 მაისის შავი პარასკევის ძალადობრივ ოპერაციაზე პასუხისმგებელი ყველა პირი; მმართველ ძალაში ხალხის მხარეს მყოფი პოლიტიკოსები გაემიჯნონ ხელისუფლების მიერ არჩეულ ძალადობრივ კურსს.

შეგახსენებთ, გვიან ღამით, კლუბ „ბასიანში“ და კაფე „გალერიში“ სპეცოპერაცია ჩატარდა, რის შედეგადაც შსს-ს ცნობით, 8 ნარკორეალიზატორი დააკავეს. ვითარება მას შემდეგ დაიძაბა, როდესაც ახალგაზრდებმა კლუბების მიმდებარე ტერიტორიებზე აქცია გამართეს. მათ გზები გადაკეტეს. აღნიშნულს ფიზიკური დაპირისპირება მოჰყვა. სპეცრაზმმა ადგილზე ათობით ადამიანი დააკავა. თვითმხილველების თქმით, სამართალდამცველების მხრიდან ძალის გადამეტებას ჰქონდა ადგილი. ამასთან, დაპირისპირების დროს, აქციის რამდენიმე მონაწილე შეუძლოდ გახდა. ისინი სასწრაფო-სამედიცინო დახმრების ეკიპაჟმა საავადმყოფოში გადაიყვანა. შსს-ს ინფორმაციით, ადმინისტრაციული წესით დაკავებული ყველა პირი ამ დროისთვის გათავისუფლებულია.

ავტორი: ,

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა