საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს დირექტორის მოადგილის მოვალეობის შემსრულებელი ივანე აბაშიძე საერთაშორისო მობილური სატელიტური ორგანიზაციის (International Mobile Satellite Organization - IMSO) მრჩეველთა კომიტეტის ვიცე-თავმჯდომარედ (Vice Chairman of Advisory Committee) აირჩიეს.

2018 წლის 10 მაისს ქ. ლონდონში (დიდი ბრიტანეთი) გაიმართა საერთაშორისო მობილური სატელიტური ორგანიზაციის რიგით 41-ე მრჩეველთა კომიტეტის სხდომა, რომელშიც მონაწილეობას იღებდა 103 წევრი სახელმწიფო და სხვადასხვა საერთაშორისო ორგანიზაციების წარმომადგენლები. აღნიშნულ კომიტეტზე საქართველოს წარმომადგენლის კანდიდატურა კოლუმბიის რესპუბლიკამ წარადგინა, რასაც მხარი დაუჭირეს იტალიის, კვიპროსის, პერუს, განის, დიდი ბრიტანეთისა და თურქეთის დელეგაციებმა.

საქართველოს წარმომადგენლის არჩევა საერთაშორისო ორგანიზაციის მრჩეველთა კომიტეტის ვიცე-თავმჯდომარედ  მნიშველოვანი მოვლენაა საქართველოს საზღვაო სფეროსთვის და ზოგადად ქვეყნის იმიჯისთვის. ეს მოვლენა ხელს შეუწყობს საქართველოს ცნობადობის ამაღლებას საერთაშორისო საზღვაო ასპარეზზე.

IMSO არის საერთაშორისო საზღვაო ორგანიზაციის (IMO) მიერ დაარსებული ორგანიზაცია, რომელშიც დღეისათვის გაწევრიანებულია 103 ქვეყანა, მათ შორის 2015 წლის 12 იანვირდან საქართველო. ორგანიზაციის მთავარ მისიას წარმოადგენს გლობალური საზღვაო უბედურების და უსაფრთხოების სისტემის რეგულირება (GMDSS) და გემების შორ მანძილზე იდენტიფიცირების სისტემის (LRIT) მომსახურების გამწევი კომპანიების მიერ წევრი სახელმწიფოების სახელით აუდიტის ჩატარება. ორგანიზაციის მისია და როლი უკავშირდება როგორც საზღვაო, ასევე სამოქალაქო ავიაციის კომუნიკაციების საკითხებზე მუშაობას.

(NS)

ავტორი: ,

სოციალური ქსელები

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა