“დავით ქევხიშვილისგან მე მოვისმინე არგუმენტები, რომელიც სრულიად დამაკმაყოფილებელია. ძიუდოს ფედერაციაში ბევრი რამ გაკეთდა და ეს ამბები გამოიწვია ევროპის ჩემპიონატმა, რომელიც ნაკრებმა მედლების გარეშე დაასრულა”, - ამის შესახებ პარლამენტის სპორტის კომიტეტის თავმჯდომარე მიხეილ ყაველაშვილმა ყრილობიდან გამოსვლის შემდეგ ჟურნალისტებს განუცხადა.

როგორც მან აღნიშნა, დავით ქევხიშვილი დაკავებული თანამდებობიდან არ უნდა გადადგეს.

“მე მოვისმინე არგუმენტები დავით ქევხიშვილისგან, რომელიც სრულად არის დამაკმაყოფილებელი. ძიუდოს ფედერაციაში ბევრი რამ გაკეთდა და ეს ამბები გამოიწვია ევროპის ჩემპიონატზე მიღწეულმა შედეგმა, როცა ნაკრებმა მედლების გარეშე დაასრულა. მე ვფიქრობ, რომ დავით ქევხიშვილი არ უნდა გადადგეს. ის უნდა შეხვდეს ჟურნალისტებს და ის რაც მე ყრილობაზე მოვისმინე, იგივე უნდა მოგიყვეთ თქვენ. ძიუდოისტები საკმაოდ აღელვებული იყვნენ და ამიტომ ვერ შედგა ყრილობაზე კონსტრუქციული ლაპარაკი. მე ვფიქრობ, რომ მღელვარების ტემპერატურამ უნდა დაიწიოს და ამაში ჟურნალისტებმაც უნდა მიიღოთ მონაწილეობა”, - აღნიშნა მიხეილ ყაველაშვილმა.

ცნობისთვის, ძიუდოს ფედერაციის ყრილობა დახურულ რეჟიმში მიმდინარეობს. ყრილობაზე ქევხიშვილთან დაპირისპირებული სპორტსმენები იმყოფებოდნენ, თუმცა მათ შეხვედრა პროტესტის ნიშნად, მალევე დატოვეს და განაცხადეს, რომ კითხვებზე პასუხები ვერ მიიღეს.

ავტორი: ,

სოციალური ქსელები

კაცმა დუშეთის ურთიერთშელაპარაკების ნიადაგზე, ცივი იარაღის გამოყენებით ორი პირი დაჭრა, იგი დააკავეს

ტრამპის ადმინისტრაცია უკრაინას ფისკალური წლის ბოლომდე თითქმის 400 მილიონი დოლარის სამხედრო დახმარებას გაუგზავნის

თეთრმა სახლმა CNN-ს ტრამპის საპრეზიდენტო თვითმფრინავში ასვლა აუკრძალა

NYT: OpenAI-ის ხელოვნური ინტელექტის აგენტებმა აშშ-ის მთავრობის ვებსაიტებს კომპანიას ინფორმირების გარეშე შეუტიეს