აჭარის მთავრობის თავმჯდომარე ზურაბ პატარაძე ბათუმის ესტაკადის პროექტის მიმდინარე სამუშაოებს ადგილზე გაეცნო.

ხიდის მშენებლობა 24 საათიან, უწყვეტ რეჟიმში მიმდინარეობს და დასრულების ფაზაში გადადის. ხიდის მალების, ე.წ. კოჭების ბურჯებზე დალაგების და მიერთების პროცესს ზურაბ პატარაძე აჭარის ფინანსთა და ეკონომიკის მინისტრთან, რამაზ ბოლქვაძესთან ერთად დაესწრო. პარალელურად ფრანგული კედლის ფილების მონტაჟი ხორციელდება. უნიკალური საინჟინრო სამუშაოების შესახებ ინფორმაცია მთავრობის წარმომადგენლებს კომპანია "კავკასუს როუდ პროჯექტის" ხელმძღვანელმა პაატა ტრაპაიძემ მიაწოდა.

აჭარის მთავრობის თავმჯდომარის ზურაბ ზურაბ პატარაძის განცხადებით, ბათუმის ესტაკადის მშენებლობა 2018 წლის სექტემბერში უნდა დასრულდეს, თუმცა კომპანია პირველი ეტაპის სამუშაოების დამთავრებას და გზის გახნსას მაღალი ტურისტული სეზონის დაწყებამდე გეგმავს. მისი თქმით, სამომავლოდ ბათუმის ესტაკადა უმნიშვნელოვანეს როლს შეასრულებს ქალაქის შემოსასვლელში მოძრაობის განტვირთვისა და ტვირთბრუნვის პროცესის ეფექტურად განხორციელებაში.

ბათუმის ესტაკადას პროექტი ითვალისწინებს ესტაკადის, ასევე ნავსადგურისა და ესტაკადის ფუნქციონირებისთვის აუცილებელი 5 დამხმარე გზის მშენებლობას. სამშენებლო პროცესში დაახლოებით 80 ადამიანია დასაქმებული.

(NS)

ავტორი: ,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები