„მინდა მოვუწდო ყველას, რომ ასეთი ცნება კლუბური და რეკრეაციული ნარკოტიკი არ არსებობს. მნიშვნელოვანია, ზიანის და ასევე მიწოდება–მოხმარების  შემცირება, საჭიროების შემთხვევაში მაქსიმალურად სწრაფი სამედიცინო დახმარების აღმოჩენა“, – ამის შესახებ შრომის, ჯანმრთელობის და სოციალური დაცვის მინისტრმა დავით სერგეენკომ ჟურნალისტებს განუცხადა.

როგორც მან აღნიშნა, აუცილებელია, საზოგადოებამ ნარკოტიკთან დაკავშირებული საფრთხე გაიაზროს.

„ძალიან მნიშვნელოვანია მოსახლეობის ცნობიერება. ვერანაირი ჯანდაცვის სამინისტრო ათასჯერ  გამრავლებული, მთლიანად ვერ მოაგვარებს ამ  პრობლემას, თუკი არ იქნება საზოგადოების მხარდაჭერა და სწორი გაცნობიერება იმის, რომ ორივეს, როგორც კლუბურ ასევე რეკრეაციულ ნარკოტიკს შეუძლია ფატალური შედეგები გამოიღოს, როგორც სხვა ტიპის ნარკოტიკებმა“, - აღნიშნა მინისტრმა.

სერგეენკოს თქმით, ლიბერალიზაცია ნებისმიერ ნარკოტიკულ საშუალებაზე არ უნდა განხორციელდეს.

„ლიბერალიზაცია და თავისუფალ დინებაზე მიშვება ნებისმიერი სახის ნარკოტიკის არ არის სწორი გზა. მარიხუანაზე უკვე მიიღო საკონსტიტუციო სასამართლომ გადაწყვეტილება, როდესაც 70 გრამამდე მშრალი ნივთიერების ქონა ითვლება უბრალო მოხმარებად და არ ისჯება. თუმცა, ნებისმიერ ნარკოტილულ საშუალებაზე ეს არ უნდა განხორციელდეს. ნარკოპოლიტიკის ცვლილება არის მხოლოდ ერთი რამ, რაც შეიძლება მეტი მიწოდების შემცირება და მოხმარების შემცირება. ნებისმიერი ნაბიჯები უნდა იყოს გადადგმული აქეთკენ და არა მისი პოპულარიზაციისკენ“, –აღნიშნა სერგეენკომ.

ჯანდაცვის მინისტრმა ასევე ნალოქსინის შესახებ ისაუბრა და განაცხადა, რომ მისი ამოღება სააფთიაქო ქსელებიდან არ იგეგმება.

„ნალოქსინი ნებისმიერ ცივილიზებულ ქვეყანაში რეცეპტით გაიცემა. მე არ ვიცი რომელი ნარკოლოგი ითხოვს მის ამოღებას,  მაგრამ ფარმაკოლოგიაში თუნდაც, ზედაპირულად ჩახედული ადამიანისთვის ეს კითხვა საერთოდ არ უნდა გაჩნდეს. ნალოქსინი არის სელექციური, მიზანმიმართული ოპოიდების მოქმედების შემამსუბუქებელი  მედიკამენტი, ხოლო ის ნარკოტიკები, რომლებიც გამოიყენება, ძირითადად არის ფსიკოტროპული ტიპის, რომელზეც ნალოქსინი არ მოქმედებს არანაირი სახით, პირიქით,  შეიძლება სამედიცინო დახმარება აქცენტირება მცდარად გადაიტანოს ნალოქსინის ძებნაზე და რეალური დახმარება დაიკარგოს. ასე რომ ფსიკიტორპულ მედიკამენტებზე ნალოქსინი ცალსახად არ მოქმედებს“, –აღნიშნა დავით სერგეენკომ.

ავტორი: ,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა