შინაგან საქმეთა მინისტრი გიორგი გახარია ორი ახალგაზრდის გარდაცვალების ფაქტს ადასტურებს და აცხადებს, რომ გამოძიება ნარკოტიკებით ინტოქსიკაციის ვერსიაზეც მუშაობს.

როგორც მინისტრმა აღნიშნა, უწყება ყველაფერს აკეთებს რათა გამოძიებამ შედეგი რაც შეიძლება მალე დადოს.

"სამწუხაროდ ჩვენ უნდა დავადასტუროთ გარდაცვალების ორი ფაქტი. რა თქმა უნდა გამოძიების საქმეა, ზუსტად დადგინდეს რა ვითარებაში და რის გამო მოხდა ეს ფაქტი. შესაბამისად გამოძიება მიმდინარეობს. მიმდინაროებს ისეთ ფორმატში, რომ ის განიხილავს ყველა ვერსიას და შესაბამისად ჩვენ მაქსიმალურად გავაკეთებთ ყველაფერს, რომ რაც შეიძლება სწრაფად დადგეს შედეგი ამ გამოძიების", - განაცხადა გახარიამ.

რაც შეეხება საიტს, რომლის მეშვეობითაც შესაძლებელია ნარკოტიკული ნივთიერებების ონლაინ-რეჟიმში შეძენა, გახარიამ აღნიშნა, რომ მსგავსი საიტი არსებობს, თუმცა ის დაბლოკილია.

"ერთმნიშვნელოვნად მინდა ავღნიშნო, რომ მსგავსი საიტი არსებობს. მეორე ამ საიტთან დაკავშირებით კომუნიკაციების მარეგულირებელთან ერთად უკვე ვიმუშავეთ და ეს საიტი დავბლოკეთ, თუმცა თანამედროვე ტექნიკური შესაძლებლობების პირობებში არსებობს გზა, გვერდის ავლით იგივე საიტზე შევიდნენ", - აღნიშნა შს მინისტრმა.

ავტორი: ,

სოციალური ქსელები

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია

ბოჭორიშვილი: საქართველოს წინააღმდეგ საერთაშორისო ინსტიტუტების პოლიტიკური მიზნებისთვის გამოყენების მცდელობები გრძელდება

„ევექსი ლაბის“ ახალი შეთავაზება სოციალური ბარათის მფლობელებს

აშშ-ის მიერ ირანზე განხორციელებული თავდასხმების შედეგად რამდენიმე ადამიანი დაიჭრა