ოკუპირებული აფხაზეთი ანექსირებული "ყირიმის მეგობართა კლუბში" გაწევრიანდა, - ამის შესახებ ოკუპირებულ რეგიონში კლუბის თავმჯდომარემ არტურ მიქვაბიამ განაცხადა.

ინფორმაციას "სპუტნიკ-აბხაზია" ავრცელებეს.

"გასულ წელს ყირიმის ხელმძღვანელობამ მიიღო გადაწყვეტილება შეექმნა ყირიმის მეგობართა ასოციაცია, რომელშიც მსოფლიოს სხვადასხვა ქვეყნის 30-მდე ორგანიზაცია გაწევრიანდა. ჩვენ მივიღეთ გადაწყვეტილება, რომ ამ კლუბში უნდა გავწევრიანდეთ. მიგვაჩნია, რომ კლუბში გაწევრიანებით გაუმჯობესდება არა მარტო ეკონომიკური მდგომარეობა, არამედ კულტურული, სპორტული და შემეცნებითი სფეროები", - განაცხადა მიქვაბიამ.

მისივე ინფორმაციით, "ყირიმის მეგობართა კლუბი აფხაზეთში" რამდენიმე თვის წინ შეიქმნა. მასში ამ ეტაპზე 6 ადამიანია გაწევრიანებული.

მიქვაბიას განცხადებით, ოკუპირებულ აფხაზეთსა და ანექსირებულ ყირიმს ბევრი რამ აკავშირებს. საოკუპაციო რეჟიმის თქმით, აფხაზეთი მხარს უჭერდა ყირიმში ჩატარებული ე,წ, რეფერენდუმის შედეგებს.

ავტორი: ,

სოციალური ქსელები

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება

არასრულწლოვანი შვილიშვილი აიძულა, ცოლად გაჰყოლოდა თანასოფლელს - მარნეულში ქალი დააკავეს