„ევროპული საქართველო“ რუსული პროპაგანდის გავრცელების წინააღმდეგ საკანონმდებლო პაკეტის მომზადების ინიციატივით გამოდის და პოლიტიკურ პარტიებს და არასამთავრობო ორგანიზაციებს კანონპროექტის მომზადების პროცესში ჩართვას სთავაზობს.

ამის შესახებ განცხადება, პარლამენტის თავმჯდომარის მოადგილემ, სერგი კაპანაძემ დღეს გამართულ ბრიფინგზე გააკეთა.

„ქვეყანაში საკმაოდ გააქტიურებულია რუსეთის ფედერაციის მხრიდან რუსული პროპაგანდა და რუსული „რბილი ძალა“. ეს გამოიხატება არა მხოლოდ იმაში, რომ გამოჩნდნენ პარტიები, რომლებიც პირდაპირ ქადაგებენ პრორუსულ გზავნილებს, არამედ არიან რუსული იდეების გამტარებელი არასამთავრობო ორგანიზაციები, ფონდები. ეს გააქტიურება განსაკუთრებით შეიმჩნევა ბოლო რამდენიმე თვეში.

ვიწყებთ პროცესს და იმედს გამოვთქვავთ, რომ საგაზაფხულო სესიის დასრულებამდე პარლამენტს შევთავაზებთ და მივიღებთ საკანონმდებლო პაკეტს, რომელიც ორიენტირებული იქნება იმაზე, რომ საქართველო, კანონმდებლობის გზით, რუსული პროპაგანდის წინააღმდეგ წავიდეს“, - განაცხადა სერგი კაპანაძემ.

ავტორი: ,

სოციალური ქსელები

წილოსანი Euronews-ზე - კობახიძეს, აშკარად მოუმზადებელი და მიკერძოებული ჟურნალისტი უპირისპირდებოდა

მახაშვილი - ევროკომისიის ანგარიში ძალიან გაბრაზებული ადამიანის მიერ დაწერილ დოკუმენტს ჰგავს

ევროკომისიის ანგარიში - გაათავისუფლოს ყველა უკანონოდ დაკავებული პირი, მათ შორის პოლიტიკოსები, ჟურნალისტები და აქტივისტები

პაპუაშვილი – გუშინდელი ინტერვიუ იყო საუკეთესო ვიზუალიზაცია, რომ ევროკავშირი, ამ შემთხვევაში წამყვანის სახით, საუბრობს ბრალდებებით