საქართველოს მესამე პრეზიდენტი მიხეილ სააკაშვილი, სირიაზე ავიადარტყმასთან დაკავშირებით ამერიკის შეერთებული შტატების ლიდერის დონალდ ტრაპის გადაწყვეტილებას დადებითად აფასებს.

შესაბამისი განცხადება სააკაშვილმა Facebook-ის საკუთარ გვერდზე გაავრცელა.

სააკაშვილის თქმით, ტრამპი არასდროს იქნება პრორუსული პოლიტიკოსი.

"ჩემი პროგნოზი ისევ გამართლდა. მე ვამბობდი, რომ ტრამპი არასდროს იქნება პრორუსი. ჩემი გმირი რონალდ რეიგანიც კი, არ იყო ასეთი საბჭოთა კავშირთან", - წერს სააკაშვილი.

ცნობისთვის, ამერიკის შეერთებული შტატების პრეზიდენტმა დონალდ ტრამპმა სირიაში ქიმიური იარაღის გამოყენებასთან დაკავშირებით რუსეთი გააფრთხილა. როგორც ტრამპმა აღნიშნა, ის სირიის მიმართულებით რაკეტებს გაუშვებს.

შეგახსენებთ, რომ 8 აპრილს სირიის სახელისუფლო ძალებმა აღმოსავლეთ ღუტაში ტოქსიკური გაზი გამოიყენეს, რასაც ქალაქ დუმაში 70-მდე ადამიანი ემსხვერპლა. აშშ მომხდარზე პასუხისმგებლობას ასადის მოკავშირე რუსეთს აკისრებს, ოფიციალური მოსკოვი კი ბრალდებებს უარყოფს.
10 აპრილს დონალდ ტრამპმა განაცხადა, რომ სირიაში განვითარებულ მოვლენებზე ამერიკის პასუხი 48 საათის განმავლობაში გახდება ცნობილი.

ავტორი: ,

სოციალური ქსელები

წილოსანი Euronews-ზე - კობახიძეს, აშკარად მოუმზადებელი და მიკერძოებული ჟურნალისტი უპირისპირდებოდა

მახაშვილი - ევროკომისიის ანგარიში ძალიან გაბრაზებული ადამიანის მიერ დაწერილ დოკუმენტს ჰგავს

ევროკომისიის ანგარიში - გაათავისუფლოს ყველა უკანონოდ დაკავებული პირი, მათ შორის პოლიტიკოსები, ჟურნალისტები და აქტივისტები

პაპუაშვილი – გუშინდელი ინტერვიუ იყო საუკეთესო ვიზუალიზაცია, რომ ევროკავშირი, ამ შემთხვევაში წამყვანის სახით, საუბრობს ბრალდებებით