პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, მისთვის საპარლამენტო უმრავლესობის დატოვების შესახებ გედევან ფოფხაძის გადაწყვეტილება მოულოდნელი იყო.

როგორც ბესელიამ ჟურნალისტებს განუცხადა, ჯერჯერობით გედევან ფოფხაძესთან ამ თემაზე არ უსაბრია. მან იმედი გამოთქვა, რომ ფოფხაძე საკუთარ პოზიციას გადახედავს.

„ჯერ ვერ მოვახერხე, რომ მასთან მესაუბრა ამ თემაზე. ეს ჩემთვისაც ძალიან მოულოდნელი იყო, იმიტომ რომ მან იმ ჯენჭისყრის შემდეგ ძალიან სწრაფად დატოვა დარბაზი და არ ვიცოდი მისი პოზიციის შესახებ. მოულოდნელად მიღებული გადაწყვეტილება მაფიქრებინებს, რომ მისთვის ეს ემოციურად რთული იყო, მაგრამ გადაწყვეტილება ჩვენ ერთად უნდა გააანალიზოს. გედი განსაკუთრებული მორალური ღირებულებების მქონე ადამიანია. ასეთი ადამიანი ცოტაა არა მხოლოდ პოლიტიკაში, არამედ ზოგადად ცხოვრებაში. პირველივე დღიდან არის არა მხოლოდ „ქართული ოცნების“ დამფუძნებელი, არამედ გუნდის გამორჩეული ლიდერი. მე მაინც მგონია, რომ პოზიციას გადახედავს, რადგან ჩვენ ვნახეთ კენჭისყრის შედეგები და ნინია  კაკაბაძეს მხარი უმრავლესობის უმრავლესობამ არ დაუჭირა“, - განაცხადა ეკა ბესელიამ.

შეგახსენებთ, მას შემდეგ, რაც პარლამენტმა საზოგადოებრივი მაუწყებლის ბორდის წევრის თანამდებობაზე ნინია კაკაბაძის კანდიდატურას მხარი დაუჭირა, დეპუტატმა გედევან ფოფხაძემ განაცხადა, რომ საპარლამენტო უმრავლესობის დატოვებას აპირებს. როგორც ფოფხაძემ აღნიშნა, „არ სურს იმ გადაწყვეტილების თანამონაწილე იყოს, რომლითაც პატრიარქის მაგინებელი საზმაუს ბორდის წევრი ხდება“.

ავტორი: ,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის