თბილისის მერის მოადგილე: არ გვინდა ის შრომა დაიკარგოს, რაც „სითი ინსტიტუტმა“ გასწია

2018-04-02 12:11:36, 1849 ნახვა

კომენტარი

თბილისის მერის მოადგილე ილია ელოშვილი აცხადებს, რომ კომპანია "სითი ინსტიტუტთან" თანამშრომლობის გაგრძელების შესახებ გადაწყვეტილება რაციონალურია.

ელოშვილის თქმით, 2-თვიანი ვადა მისაღებია მერიისთვის, რათა კომპანიამ ხარვეზები გამოასწოროს.

"ჩვენი გუნდის აზრით ეს არის ყველაზე რაციონალური გადაწყვეტილება. არ გვინდა ის შრომა დაიკარგოს, რაც "სითი ინსტიტუტმა" გასწია. გვინდა ვიყოთ ძალიან სამართლიანები. გვინდა მათთან ვითანამშრომლოთ. 2 თვე არ არის დიდი ვადა, რომ ქალაქმა, მოსახლეობამ და ჩვენც ვერ მოვითმინოთ. შესაბამისად ის ხარვეზები რაც დავაფიქსირეთ ძალიან ინტენსიური მუშაობის პირობებში ამ ვადებში შესაძლებელია. სულ 3 მიმართულებაა, რომელიც უნდა დაზუსტდეს. პირველი ეს არის სამართლებრივი მხარე, კერძოდ როგორ უნდა მოხდეს უკვე არსებული დოკუმენტიდან ახალზე გადასვლა. მეორე მიმართულება არის ხარვეზები რომელიც არსებობდა საყრდენ დოკუმენტაციაში, რუქებში და ეს სავსებით გასწორებადია. მესამე ეტაპების სწორედ გადალაგება", - განაცხადა ელოშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები