გამოძიების ინფორმაციით, სერგეი სკრიპალი და მისი შვილი საკუთარ სახლში მოწამლეს

2018-03-29 12:07:11, 1798 ნახვა

სამართალი

ლონდონის პოლიციის გამომძიებლების განცხადებით, ყოფილი რუსი ჯაშუში სერგეი სკრიპალი და მისი შვილი საკუთარ სახლში მოწამლეს.

„დეტალური კრიმინალისტური და სამეცნიერო კვლევის შემდეგ გამომძიებლები მიიჩნევენ, რომს სკრიპალები თავიანთ სახლში მოწამლეს. მომწამლავი ნივთიერების ყველზე მაღალი კონცენტრაცია მათი სახლის შესასვლელ კარებთან დააფიქსირეს", - ნათქვამია სკოლტლანდ-იარდის მიერ გავრცელებულ განცხადებაში.

სკრიპალები 4 მარტს ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. მოგვიანებით ყოფილი რუსი ჯაშუშის მოწამვლაში რუსეთს დასდეს ბრალი. სანქციის სახით, ბრიტანეთმა ქვეყნიდან 23 რუსი დიპლომატის გაძევების გადაწყვეტილება მიიღო. სერგეი სკრიპალის საქმის გამო რუს დიპლომატებს უკვე 30-ზე მეტი ქვეყნიდან აძევებენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები