თბილისის საქალაქო სასამართლო „რუსთავი2“-თან  განვითარებულ მოვლენებში  მონაწილე „ქართული მარშის“ წარმომადგენლებისთვის აღკვეთის ღონისძიების შეფარდების საკითხზე მსჯელობს.

პროკურატუა ექვსივე მათგანისთვის  პატიმრობის გამოყენებას მოითხოვს, დაცვის მხარე კი საერთოდ აღკვეთის ღონისძიების შეფარდების საფუძველს ვერ ხედავს. სხდომის დაწყებამდე მედიასთან კომენტარი გააკეთა „ქართველთა მარშის“ ერთ-ერთმა ლიდერმა სანდრო ბრეგაძემ. იგი ფიქრობს, რომ „რუსთავი2“-თან ძალადობის ფაქტი არ მომხდარა:

„იმ ქვეყანაში,სადაც თანამდებობის პირებისთვის გინება ჩვეულებრივი ამბავია და პარლამენტის, თუ საკრებულოს სხდომებზე ერთმანეთს ცხვირ-პირს ალეწავენ, ვფიქრობ, აბსოლუტურად უსამართლო იქნება, რომ 6 ახალგაზრდას შეეფარდოს პატიმრობა. თუ გინებისთვის ამ ახალგაზრდებს შეეფარდებათ პატიმრობა, მაშინ უმაღლესი თანამდებობის პირები კარგა ხნის დაპატიმრებულები უნდა იყვნენ, თმის ღერიც არ ჩამოვარდნია არც ბატონ გიორგი გაბუნიას, არც მის თანხმლებ პირს“,-აღნიშნა სანდრო ბრეგაძემ.

ჟურნალისტის კითხვაზე-ნახა თუ არა მან დავით ერაძის კადრები, სადაც ჩანს, რომ  ერაძე დაშავებულია, უპასუხა, რომ ამ შემთხვევაში გაბუნიაზე საუბრობს.

„ნებისმიერი ადამიანი, რომელიც დაშავდება, რა თქმა უნდა, რაღაცას ნიშნავს.ადამიანი, ვისთანაც ჰქონდათ პრეტენზია, იყო გიორგი გაბუნია და არა მისი თანხმლები პირი.დაშავებულები არიან „ქართული მარშის“ წევრებიც. ვფიქრობ, „რუსთავი2“-თან ძალადობას არ ჰქონდა ადგილი, ჰქონდა ადგილი სამწუხარო ინციდენტს, რომელიც მე რომ იქ ვყოფილიყავი, არ მოხდებოდა“, - განაცხადა სანდრო ბრეგაძემ და დასძინა, რომ პოლიციაში ფიზიკური შეურაცხყოფა მისთვის არ მიუყენებიათ.

ავტორი: ,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან