აშშ-ს კონგრესი საქართველოს 105 მილიონ დოლარზე მეტს გამოუყოფს

2018-03-22 10:21:33, 1840 ნახვა

პოლიტიკა

ამერიკის შეერთებული შტატების 2018 წლის ბიუჯეტში საქართველოსთვის 105 მილიონია გამოყოფილი, - ამის შესახებ თეთრი სახლის ოფიციალურ ვებგვერდზე გამოქვეყნებულ დოკუმენტშია ნათქვამი.

დოკუმენტში საუბარია იმაზე, რომ ამ თანხით ამერიკა საქართველოს ეხმარება. ასევე დოკუმენტში ნახსენებია საქართველოს ოკუპირებული რეგიონებიც. აშშ-მ საქართველოს ტერიტორიული მთლიანობასა და სუვერენიტეტს მხარდაჭერა კიდევ ერთხელ გამოუცხადა.

"საქართველოს დახმარების სახით გამოეყოს სულ მცირე 105 325 000 დოლარი. რუსეთის აგრესიის შედეგად გამოწვეულ არასტაბილურობასთან დაკავშირებით, კანონპროექტი უკრაინისა და საქართველოს დაფინანსებას ზრდის", - ნათქვამია დოკუმენტში.

ასევე აშშ საქართველოს ევროინტეგრაციას უჭერს მხარს.

ცნობისთვის, საქართველოსთან ერთად დახმარებას მიიღებს უკრაინაც, რომელიც 420 მილიონით განისაზღვრა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები