„დღეს დილიდან ექსპერტები სწავლობდნენ დოკუმენტაციას, ახლა ავდივართ  საბაგიროსთან, რომ ადგილზე  გაგრძელდეს დამატებითი კვლევა“, - ამის შესახებ გენადი არველაძემ გუდაურში ჟურნალისტებს განუცხადა.

ეკონომიკისა და მდგრადი განვითარების მინისტრის მოადგილე მოწვეულ საერთაშორისო ექსპერტებთან და კვლევის პროცესში ჩართული უწყებების წარმომადგენლებთან ერთად გუდაურში იმყოფება, სადაც 16 მარტს საბაგიროზე მომხდარი შემთხვევის მიზეზების დასადგენად მოკვლევა მიმდინარეობს.

 „როდის გვექნება საბოლოო შედეგი, ამის კონკრეტულ დროს ჯერ ვერ მოგახსენებთ, რადგან მიმდინარეობს ძალიან დეტალური ექსპერტიზა და გამოძიების პროცესი - მათ შორის დოკუმენტაციის შესწავლა, ადგილის დათვალიერება, ტექნიკური შემოწმებები და ასე შემდეგ“, - აღნიშნა გენადი არველაძემ.

 მისივე ინფორმაციით, ეკონომიკის სამინისტროს ტექნიკური და სამშენებლო ზედამხედველობის სააგენტოს სპეციალისტები  დამატებით ამოწმებენ მთის კურორტებზე არსებულ სხვა მოქმედ საბაგიროებსაც.

(NS)

ავტორი: ,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან