საყდრისში სამოქალაქო აქტივისტებისა პოლიტიკოსების გამოჩენას ხმაური და კომპანიის წარმომადგენლებთან დაპირისპირება მოჰყვა.

„რუსთავი 2“-ის ინფორმაციით, „RMG GOLD”-ის თანამშრომლები საყდრისის გადარჩენის ფონდის წევრებს იმ ტერიტორიაზე არ უშვებდნენ, რომელსაც ეკონომიკის სამინისტრო აუქციონზე ყიდის.

ადგილზე ჩასულმა აქტივისტება შლაგბაუმის გარღვევა სცადეს. დაპირისპირების შემდეგ RMG-ის თანამშრომლებმა ადგილზე ჩასული სამოქალაქო აქტივისტების, პოლიტიკოსებისა და ჟურნალისტების მცირე ჯგუფი ტერიტორიაზე შეუშვეს.

სიტყვიერი დაპირისპირება საყდრისის საბადოს ტერიტორიაზეც გაგრძელდა. RMG-ის წარმომადგენლებმა ადგილზე მყოფ პოლიტიკოსებსა და საყდრისის გადარჩენის ფონდის წარმომადგენლებს სთხოვეს რუქაზე ეჩვენებინათ ის ადგილი, რომლის აუქციონზე გატანასაც აპროტესტებენ.

კომპანიის წარმომადგენლების თქმით, აქციის მონაწილეებმა არ იციან რა ადგილზეა საუბარი.

„ეს არის შეცდომაში შეყვანის ხატოვანი მცდელობა. ჩვენ ახლა ამ პოლიტიკურ დაპირისპირებებში მონაწილეობის მიღებას არ ვაპირებთ. აი, ეს ტერიტორიაა და თუ თქვენ მეტყვით, რომ ამ ადგილზე რაიმე საქმიანობა ხორციელდება, მზად ვარ რომ ჩემი სიტყვები უკან წავიღო“,- განაცხადა RMG-ის დირექტორის მოადგილემ, ამირან ქართველიშვილმა.

მათ საპასუხოდ კი აქციის მონაწილეებმა განაცხადეს, რომ ამ საქმეს ბოლომდე მიიყვანენ  და აუქციონში თავად მიიღებენ მონაწილეობას.

ავტორი: ,

სოციალური ქსელები

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში

ორიოლის სამხედრო ქარხანაზე სარაკეტო თავდასხმის შედეგად რვა ადამიანი დაშავდა, ერთი გარდაიცვალა

ტრამპი დაემუქრა რუსეთსა და უკრაინას 200%-იანი ტარიფების დაწესებით, თუ ომი გაგრძელდება