საერთაშორისო სავალუტო ფონდის პროგნოზით, 2015 წელს კავკასიისა და ცენტრალური აზიის ქვეყნებში ეკონომიკური აქტიურობის შენელება გაგრძელდება.

ამის შესახებ სავალუტო ფონდის მიერ გამოქვეყნებულ ანგარიშშია ნათქვამი, სადაც აღნიშნულია, რომ პროგნოზებს სასაქონლო ფასებისა და რუსეთის ეკონომიკური ზრდის ტემპის შემცირება აუარესებს.

საერთაშორისო სავალუტო ფონდის პროგნოზით, 2015 წელს საქართველოში ეკონომიკური ზრდა 2 პროცენტი იქნება, ხოლო 2016 წლისათვის მთლიანი შიდა პროდუქტის 3 პროცენტამდე მატებაა მოსალოდნელი.

ანგარიშის მიხედვით, სომხეთში, ყაზახეთში, საქართველოსა და ტაჯიკეთში წელს ინფლაციის ზრდა 1-დან 7 პროცენტამდეა მოსალოდნელი.

"ექსპორტისა და ფულადი გადარიცხვების შემცირებამ, ასევე რუბლის გაუფასურებამ ცენტრალური აზიის ქვეყნების ვალუტებზე გავლენა მოახდინა. თურქმენეთმა და აზერბაიჯანმა 2015 წლის დასაწყისში ვალუტების დევალვაცია მოახდინეს. სომხეთში, საქართველოში, ტაჯიკეთსა და ყირგიზეთში კი საერთაშორისო რეზერვების დასაცავად ეროვნული ვალუტების აშშ დოლარის მიმართ გაუფასურება დაუშვეს“, - ნათქვამია ანგარიშში.

როგორც საერთაშორისო სავალუტო ფონდის მიერ გამოქვეყნებულ ანგარიშშია აღნიშნული, ინფლაციის სტაბილიზაციისათვის შესაძლოა რეგიონში საჭირო გახდეს ფულად-საკრედიტო პოლიტიკის გამკაცრება. დოკუმენტში ნათქვამია, რომ საშუალოვადიან პერიოდში აუცილებელია ღრმა სტრუქტურული რეფორმები, კერძოდ, ბიზნესკლიმატის გაუმჯობესება, რათა ეკონომიკური ზრდა უფრო ინკლუზიური და დივერსიფიცირებული გახდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო უარყოფს ესპანეთის წევრობის შეჩერებას აშშ-ის მუქარის შემდეგ

რუსმა მდიდარმა პირებმა ახალ ზელანდიაში ბუნკერების ყიდვა დაიწყეს

აშშ ფედერალურ დონეზე აღადგენს სიკვდილით დასჯის მეთოდს დახვრეტის გზით

აშშ-მ თეირანთან მოლაპარაკებების დაწყებამდე ირანის ჩრდილოვან ტანკერებსა და ჩინურ ნავთობგადამამუშავებელ ქარხანას სანქციები დაუწესა