„დოპელმაიერის“ წარმომადგენელი: 20 წელზე მეტია ამ ვმუშაობ და ვერ ვიხსენებ თუნდაც ერთ მსგავს შემთხვევას

2018-03-17 16:07:26, 1614 ნახვა

კომენტარი

კომპანიაში 20 წელზე მეტია მუშაობს და თავის პრაქტიკაში, მსგავსი შემთხვევა არ ახსენდება.

„20 წელზე მეტია "Doppelmayr”- ისთვის ვმუშაობ და ვერ ვიხსენებ თუნდაც ერთ მსგავს შემთხვევას“, - ამის შესახებ კომპანიის წარმომადგენელმა ეკეჰარდ ასმანმა გუდაურში მომხდარ ინციდენტთან დაკავშირებით განაცხადა.

როგორც ასმანმა "იმედის" ეთერში აღნიშნა, მათი მხრიდან კონსტრუქციის უსაფრთხოების ყველა ნორმა დაცული იყო. მისივე თქმით, სულ კომპანიას მსოფლიოს მასშტაბით 10 ათასამდე საბაგირო აქვს დამონტაჟებული.

“ჩვენი ექსპერტები ამოწმებენ მთლიანად სისტემას და შეეცდებიან გაიგონ მიზეზი, თუ რატომ მოხდა ეს შემთხვევა გუშინ გუდაურში. სავარაუდოდ, შემოწმება რამდენიმე საათს გაგრძელდება. ეს დამოკიდებულია ოფიციალური უწყების მითითებებზე. ოფიციალური პირების გარდა, ჩვენ შევხვდებით უშუალოდ მომხმარებელსაც და ყველაფერს გავაკეთებთ, რომ გავერკვიოთ რა მოხდა. მე, პირადად, 20 წელზე მეტია "Doppelmayr”- ისთვის ვმუშაობ და ვერ ვიხსენებ თუნდაც, ერთ მსგავს შემთხვევას“, - განაცხადა ეკეჰარდ ასმანიმ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები