ექიმი: საბაგიროზე დაშავებული 4 პაციენტი კლინიკას სავარაუდოდ, დღეს ან ხვალ დატოვებს

2018-03-17 11:01:58, 1636 ნახვა

კომენტარი

გუდაურში, საბაგიროს მწყობრიდან გამოსვლის შედეგად დაშავებული 4 პაციენტი კლინიკას სავარაუდოდ დღეს ან ხვალ დატოვებს.

ამის შესახებ ღუდუშაურის კლინიკის ექიმმა ნიკოლოზ ქარცივაძემ ჟურნალისტებს განაცხადა.

რაც შეეხება უკრაინის მოქალაქეს, რომელიც მძიმედ დაშავდა, ექიმის თქმით, პაციენტი რეანიმაციაში იმყოფება და მისი მდგომარეობა ამ დროისთვის სტაბილურია.

„ჩვენთან იყო 7 პაციენტი, რამოდენიმემ დატოვა უკვე კლინიკა. ოთხი პაციენტი, რომლებიც იმყოფებიან ნეროქირუგიულ განყოფილებაში, კლინიკას მალე დატოვებს. შედარებით საყურადღებოა რეანიმაციაში მყოფი პაცინეტის მდგომარეობა, მაგრამ ვფიქრობთ რომ იქაც დადებითი განვითარება ექნება მოვლენებს. გუშინ ჩატარდა ოპერაცია ხერხმელის სვეტის დაზიანების გამო, ასევე მხარი და ლავიწი იყო დაზიანებული. სასიცოცხლოდ მნიშვნელოვანი ფუნქციები ამ დროისთვის სტაბილურია“, - განაცხადა ნიკოლოზ ქარციხვაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები