ზაზა სოფრომაძე: გუდაურში დაშავებულების სიცოცხლეს საფრთხე არ ემუქრება

2018-03-16 17:22:34, 1574 ნახვა

კომენტარი

ჯანდაცვის მინისტრის მოადგილის ზაზა სოფრომაძის ინფორმაციით, ღუდუშაურის სახელობის კლინიკაში გუდაურში დაშავებული 2 მოქალაქე გადის მკურნალობას.

როგორც სოფრომაძემ ჟურნალისტებს განუცხადა, კიდევ 4 ტურისტი თბილისში რეანომობილებით გადმოჰყავთ. მინისტრის მოადგილემ დასძინა, რომ დაშავებულების სიცოცხლეს საფრთხე არ ემუქრება.

"ღუდუშაურის სახელობის კლინიკაში შემოსულია 2 პაციენტი. დანარჩენი 5 დაშავებული გზაშია. 4 მათგანი მოთავსდება ასევე ღუდუშაურის კლინიკაში. ხოლო შვედეთის მოქალაქე, ორსული ქალბატონი კლინიკა "მედიქლაბში" მოთავსდება. რაც შეეხება ჩამოყვანილი პაციენტების მდგომარეობა, უკრაინის მოქალაქე ქალბატონს აღენიშნება მრავლობითი მოტეხილობა. დანარჩენების მდგომარეობა არის შედარებით მსუბუქი სიმძიმის. იმათაც აღენიშნებათ სხვადასხვა სახის დაჟეჟილობები. ზედმეტი პანიკის საფუძველი არ არსებობს. არც ერთის სიცოცხლეს საფრთხე არ ემუქრება", - განაცხადა ზაზა სოფრომაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები