2018-03-15 14:20:23, 1799 ნახვა

---

პასკალ მენიე: მოვუწოდებ საქართველოს მოქალაქეებს არ დაუჯერონ იმ პირებს, რომლებიც საფრანგეთში თავშესაფრის მიღებას პირდებიან

საქართველოში საფრანგეთის ელჩი პასკალ მენია, მოქალაქეებს მოუწოდებს სავიზო რეჟიმი არ დაარღვიონ, რათა შეჩერების მექანიზმის ამოქმედების საფრთხე არ დადგეს.

როგორც მენიემ განმარტა, საქართველოს მოქალაქეების რიცხვი, რომლებიც საფრანგეთში თავშესაფარს  ითხოვენ გაზრდილია.

"ასევე ხდება 90-დღიანი ვადის დარღვევაც. მინდა მოვუწოდო საქართველოს მოქალაქეებს, რომ არ დაუჯერონ იმ პირებს, რომლებიც ჰპირდებიან მათ საფრანგეთში ან გერმანიაში 2 წლის განმავლობაში არალეგალურად ცხოვრებას და თავშესაფრის მიღებას. ეს ასე არ იქნება, რადგან საქართველო უსაფრთხო ქვეყანაა. არ გამოირიცხება, რომ საქართველოს ამგვარი ქმედებების გამო სანქციები დაეკისროს და მოხდეს შეჩერების მექანიზმის ამოქმედება", - განაცხადა პასკალ მენიემ. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი