„ჩვენ შევთავაზეთ ვერსია, რომელიც არის როგორც ტექნიკური, ასევე, სამართლებრივი, ასევე, პოლიტიკური თვალსაზრისით სწორი",- ამის შესახებ ფრაქცია „ქართული ოცნების" თავმჯდომარე მამუკა მდინარაძემ საპარლამენტო უმრავლესობასა და  უმცირესობას შორის გამართული კონსულტაციის დასრულების შემდეგ განაცხადა.

კონსულტაციაზე არჩილ ტატუნაშვილის სიცოცხლის ხელყოფის თაობაზე რეზოლუციის ტექსტთან დაკავშირებით იმსჯელეს.

„დღეს დეტალებისგან და კონკრეტიკისგან ჯობია თავი შევიკავოთ, იმიტომ, რომ მოლაპარაკებები არ დასრულებულა. ჩვენ შევთავაზეთ ჩვენი ვარიანტი, მათ შორის, სიასთან დაკავშირებული ვერსია და ჩანაწერი. შევთავაზეთ ვერსია, რომელიც სწორია როგორც ტექნიკური, ასევე, სამართლებრივი, ასევე, პოლიტიკური თვალსაზრისით. ახლა უკვე ბურთი მათ მოედანზეა და ორი დღის შემდეგ, უნდა გვითხრან პასუხი ამასთან დაკავშირებით. ვფიქრობ, რომ თუ პასუხისმგებლობის დონე არის იმ ხარისხის, რომ ჩვენ მართლაც უნდა შევჯერდეთ ერთიან, ძლიერ რეზოლუციაზე დეოკუპაციის საკითხებთან დაკავშირებით, რომელიც ეხება ჩვენს მოქალაქეებს, მათ სიცოცხლესთან დაკავშირებულ გარკვეულ რისკებს-განსაკუთრებით, ამ საკითხებზე ჩვენ უნდა შევჯერდეთ და საერთო რეზოლუცია უნდა მივიღოთ",- განაცხადა მამუკა მდინარაძემ.

მისივე თქმით, კონსულტაციაზე პრინციპული წინააღმდეგობა არ ყოფილა.

„პრინციპული წინააღმდეგობა, შემიძლია გითხრათ, რომ არ ყოფილა, მაგრამ არის სამართლებრივად და პოლიტიკურად გამართული წინადადებები და ფრაზები, რასაც ასევე, მნიშვნელობა აქვს, იმდენად მნიშვნელოვან დოკუმენტთან გვაქვს საქმე. აქედან გამომდინარე, ბუნებრივია, ჩვენ მათ პასუხს უნდა დაველოდოთ ამაზე",- განაცხადა ფრაქციის თავმჯდომარემ.

ავტორი: ,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა