საქართველო ცდილობს, არალეგალურ მიგრაციას კონკრეტული ნაბიჯებით უპასუხოს, - ამის შესახებ ევროკომისარმა მიგრაციის საკითხებში, დიმიტრის ავრამოპულოსმა ბრიუსელში ევროკავშირის შინაგან საქმეთა მინისტრების შეხვედრის დასრულების შემდეგ განაცხადა.

მისი თქმით, რისკების თავიდან ასაცილებლად მნიშვნელოვანია, საინფორმაციო კანპანიების განვითარება. ავრამოპულოსი დარწმუნებულია, რომ საქართველოს მთავრობა ამ მიმართულებით ძალისხმევას არ დაზოგავს.

„ჩვენ ინფორმიებულები ვართ ამ თემის შესახებ.  ჩვენ გავუზიარეთ ჩვენი წუხილი საქართელოს ხელისუფლებას.  მე პირადად მაქვს კონტაქტი საქართველოს  ხელისუფლებასთან , რომელიც მზადყოფნას გამოთქვამს ჩვენთან ითანამშრომლოს და ძალიან კონკრეტული ნაბიჯებით უპასუხოს  საქართველოდან ევროკავშირის წევრ ქვეყნებში არალეგალურ მიგრაციას. ჩვენ ძალიან აქტიურად ვთანამშრომლობთ.  მათ ექნებათ ჩვენი მხარდაჭერა, როგორც ეს იყო სხვა მსგავს შემთხვევებში.  არალეგალური მიგრაციების თავიდან ასაცილებლად  ერთად გავიზიარებთ საერთაშორისო პრაქტიკას. მე ხშირად ვამბობ, რომ ვიზალიბერალიზაციას აქვს თავისი უფლებები. თუმცა ამასთანავე არსებობს ვალდებულებები.  ეს ერთმანეთთან არის გადაჯაჭვული. რისკების თავიდან ასაცილებლად მნიშვნელოვანია საინფორმაციო კანპანიების განვითარება.  დარწმუნებული ვარ რომ საქართველოს ხელისუფლების ძალისხმევა ძალიან მალე გამოიღებს შედეგს“,- განაცხადა დიმიტრის ავრამოპულოსმა.

ავტორი: ,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა