​ქალთა მიმართ ძალადობაზე კვლევის შედეგების გაცნობის შემდეგ ვერ ვიტყოდი, რომ შესაძლებელია ამ ციფრების მშვიდად წაკითხვა, - ამის შესახებ პარლამენტის იურიდიულ საკითხთა კომიტეტის თავმჯდომარემ, ეკა ბესელიამ განაცხადა.

მან გაერო-ს ქალთა ორგანიზაციის, ქალთა მიმართ სტატისტიკის ეროვნული სამსახურის და ევროკავშირის კვლევის შედეგები შეაფასა და აღნიშნა, რომ  ქალთა მიმართ ძალადობის მაღალი მაჩვენებელი სტერეოტიპების შედეგია.

„გულწრფელად ძალიან მაწუხებს მეც როგორც ქალს, რომ ასეთი მაღალი რჩება ქალთა მიმართ ძალადობის ნიშნული, ამ ტენდენციების და უფრო ღრმა ანალიზის გაკეთება არის ალბათ უაღრესად საჭირო იმისთვის, რომ ჩვენ ამ მიზეზებთან დავიწყოთ ბრძოლა, რადგან შეუძლებელია, როდესაც ამ სტატისტიკურ მონაცემებს უყურებ არ გქონდეს განცდა, რომ საქმე გვაქვს არაჯანსაღ დამოკიდებულებასთან, ანუ ყველა ის ადამიანი, რომელიც ფიქრობს, რომ ძალადობის რომელიმე მეთოდი დასაშვებია, ეს სერიოზული პრობლემაა. ვფიქრობ, აქ საჭიროა მრავალმხრივი მოქმედება. საკანონმდებლო სფეროდან დავიწყებდი. იცით, რომ ჩვენ მივიღეთ და დავამტკიცეთ ძალიან მნიშვნელოვანია კონვენცია, როგორიც არის სტამბოლის კონვენცია, რომელიც ქალთა მიმართ ძალადობის წინააღმდეგ საკანონმდებლო ცვლილებებს გულისხმობდა. ანუ სისხლის სამართლის კოდექსში უკვე არის ფაქტობრივად ყველა ის მუხლი და კონვენციით გათვალისწინებული ვალდებულებები გადატანილი, რომელიც ყველა წევრ ქვეყანას და მათ შორის, საქართველოსაც ავალდებულებს ცვლილებებს. არ ვფიქრობ, რომ ეს საკმარისია, მნიშვნელოვანია აღსრულება, მნიშვნელოვანია განათლების კუთხით ძალიან ფართო მუშაობა, რადგან მგონია, აქ სტერეოტიპების დიდი პრობლემაა“, - განაცხადა ეკა ბესელიამ.

ჩატარებული კვლევის მიხედვით, ქალების 22% და მამაკაცების 31% ცოლის ცემას გარკვეულ გარემოებებში ამართლებს. ასევე საქართველოში 7-დან 1 ქალს ოჯახში ძალადობა გამოუცდია, ქალების 9% სექსუალური ძალადობის მსხვერპლი ბავშვობაში გახდარა, 5-დან 1 ქალი ამბობს, რომ სექსუალური შევიწროება გამოუცდია.

ავტორი: ,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა