საქართვწელოს იუსტიციის  მინისტრი მიესალმება იმას, რომ ევროკავშირის ქვეყნებმა  საქართველოდან  წასული თავშესაფრის მაძიებელთა განცხადებების განხილვის წესები გაამკაცრონ.

როგორც წულუკიანმა ჟურნალისტებს განუცხადა, მთავრობა მუშაობს იმაზე, რომ ევროკავშირის არაერთმა  წევრმა ქვეყანამ საქართველო  უსაფრთხო ქვეყნად გამოაცხადოს.

წულუკიანის განმარტებით, საქართველოში ადამიანები არ იდევნებიან არც სიტყვის თავისუფლების გამო, არც პოლიტიკურად, ან სხვა ნიშნით და სხვა ქვეყანაში თავშესაფრის ზიების საფუძველი არ არსებობს.

მინისტრის თქმით, თავშესაფრის მოპოვების საფუძველი ეკონომიკური სიდუხჭირე  არ არის, რადგან თავშესაფარი ნიშნავს  პოლიტიკური, ან სხვა ნიშნით დევნილობას:

 „თავშესაფრის  მაძიებლებთან დაკავშირებული პრობლემა ვინაობასთან და დოკუმენტებთან პირდაპირ, ან არაპირდაპირ არის კავშირში, მაგრამ  გაცილებით უფრო ფართე პრობლემაა. ჩვენ მივესალმებით იმას, რომ ევროკავშირის ქვეყნებმა გაამკაცრონ საქართველოდან  წასული თავშესაფრის მაძიებელთა განცხადებების განხილვის წესები,  დააჩქარონ მათი განხილვა, ჩვენ  ვმუშაობთ იმაზე, რომ ევროკავშირის არაერთმა  წევრმა ქვეყანამ საქართველო გამოაცხადოს უსაფრთხო ქვეყნად, რადგან  ავტომატურად ითვლებოდეს ის, რაც არის რეალობა-  ჩვენს ქვეყანაში ადამიანები არ იდევნებიან არც სიტყვის თავისუფლების გამო, არც პოლიტიკურად  არც სხვა ნიშნით, შესაბამისად, ყოვლად უსაფუძვლოა იმის მტკიცება, რომ სხვა ქვეყანაში ჩვენი ქვეყნის მოქალაქემ ეძიოს  თავშესაფრი. თუ ეკონომიკური სიდუხჭირის გამო ტოვებს ჩვენი მოქალაქე ჩვენს ქვეყანას, ეს არ არის საფუძველი თავშესაფრის მოპოვებისა, რადგან  თავშესაფარი ნიშნავს დევნილობას, ან პოლიტიკურ, ან  სხვა ნიშნით, რაც ჩვენს შემთხვევაში საფუძვლიანი ვერ იქნება. ამიტომაც, მივესალმებით იმას, რომ ევროპული ქვეყნები ჩვენს მოქალქაქეებს  უარს ეტყვიან თავშესაფარზე,რადგან არ არსებობას ამის საფუძველი.  ყველას გვევალება, დავიცვათ ჩვენი მომავალი  თაობებისთვის ის, რაც არის ისტორიული  შედეგი, რასაც თითოეულმა ჩვენთაგანმა ერთად მივაღწიეთ, ეს არის ევროკავშირში უვიზო მიმოსვლა და  მომავალ თაობებს არ დავუკარგოთ ის, რაც იყო მრავალი თაობის მანძილზე ძნელად მისაღწევი“,-განაცხადა თეა წულუკიანმა.

ავტორი: ,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა