შინაგან საქმეთა მინისტრის გიორგი გახარიას განცხადებით, ხელისუფლება ყველაფერს აკეთებს, რათა არჩილ ტატუნაშვილის ცხედრის გადმოსვენება გონივრულ ვადებში მოხდეს.

როგორც მინისტრმა აღნიშნა, კონკრეტულ თარიღებზე ვერ ისაუბრებს, რადგან მისი განმარტებით, ეს დამატებით მოლოდინებს შექმნის.

"არჩილ ტატუნაშვილის ტრაგიკულ საკითხთან დაკავშირებით მაქსიმალურად ვმუშაობთ. ჩართულია სახელმწიფოს ყველა ორგანო. რა თქმა უნდა დიდი იმედი გვაქვს, რომ ჩვენი ეს ტრაგიკული პრობლემა გონივრულ ვადებში გადაწყდება. კონკრეტულ დღეზე და დროზე კომენტარს არ გავაკეთებ, რადგან ეს არ არის სწორი. უნდა გვესმოდეს, რომ კონკრეტული მოქალაქეების, კონკრეტული ადამიანების ტრაგედიაზე ვსაუბრობთ. დამატებითი მოლოდინების შექმნა არასწორია. ეს ტრაგიკული შემთხვევა უნდა დასრულდეს გონივრულ ვადებში. ტატუნაშვილის საქმის გამოძიება მიმდინარეობს, თუმცა მინდა ვთქვა, რომ ჩვენი უპირველესი ამოცანაა, გარდაცვლილ მოქალაქეს მივაგოთ პატივი. ამის შემდეგ უნდა ვიზრუნოთ ყველაფერზე. ასევე, ჯერ უნდა ვიფიქროთ დაკავებულ მოქალაქეებზეც",-განაცხადა შს მინისტრმა.

რაც შეეხება დაკავებულ მოქალაქეებს, მინისტრის თქმით, ხელისუფლება ძალებს არ იშურებს, რათა მათი გათავისუფლება მოხდეს.

"იგივე ძალისხმევით მიმდინარეობს მუშაობა ჩვენი მოქალაქეების ჩვენს ტერიტორიაზე გადმოსაყვანად",-დასძინა გახარიამ.

ავტორი: ,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა