„ევროპული საქართველოს“ ინფორმაციით, ხელფასების მომატებაზე მსჯელობის დაწყებას ზუგდიდის საკრებულოც აპირებს

2018-03-02 12:48:37, 1739 ნახვა

პოლიტიკა

„ევროპული საქართველოს“ წევრების ინფორმაციით, ბორჯომის მსგავსად, დღეს, ზუგდიდის საკრებულოც აპირებს ხელფასების მომატებაზე მსჯელობის დაწყებას.

„ევროპული საქართველო“ მიიჩნევს, რომ ღირსეული ხელფასი უნდა ჰქონდეს საჯარო სამსახურში დასაქმებულ ყველა ადამიანს, მაგრამ დღევანდელ რეალობაში ხელფასის გაზრდა მიზანშეუწონელია.

კერძოდ, პარტიაში თვლიან, რომ როდესაც „მძიმე სოციალური ფონის გამო ვერ ხერხდება პენსიის მატება, სოციალურად დაუცველთა შემწეობის გაზრდა, სტიქიებისგან და ფაროსანასგან მიყენებული ზარალის ანაზღაურება, ხელფასის მატება, რომელიც მხოლოდ ხელისუფლების წარმომადგენელთა დასაქმებულ ნათესავებზეა გათვლილი, არ უნდა მოხდეს“.

,,ჩვენ მხარს ვერ დავუჭერთ, რომ ხელფასი გაეზარდოს ბატონი გოგიას რძალს გვანცა თორდიას, ჩვენ ასევე წინააღმდეგი ვართ, რომ დღეს ხელფასი გაეზარდოს მერის მოადგილის მაიზერ ნანავას მეუღლეს ნინო ქარჩავას, მის დეიდაშვილს გიგა ფარულავას, ხელფასი დღეს არ უნდა გაეზრადოს ზედამხედველობის სამსახურის უფროსს ლაშა ჯაიას და მის მეუღლეს ნათია ქირია, რომელიც საკრებულოში მუშაობს. ხელფასი არ უნდა გაეზარდოს ზუგდიდის მაჟორიტრარი დეპუტატის თოლორაიას დას ქალბანონ ხათუნა თოლორაიას, რომელიც აიპ სამსახურის უფროსია. სწორედ ამაზე გვინდა ყურადღების გამახვილება, რომ ზუგდიდის საკრებულოში, მერიაში არ არიან დასაქმებული ჩვეულებრივი ადამიანები, რომლებიც გამოირჩევიან თავისი კვალიფიკაციით. ეს არის ადგილი, სადაც თავს იყრიან „ქართული ოცნების“ პარტიული წარმომადგენლები, გამგებლის გუბერნატორის ნათესავები. ამ ადამიანებს „ქართული ოცნება“ იყენებს არა იმისთვის, რომ მათ იზრუნონ ადამიანების კეთილდღეობაზე, არამედ იმისთვის, რომ ეს ადამინების დაუპირისპირდნენ ხალხს, როგორც ეს გააკეთეს ზუგდიდში, როგორც ამას აკეთებდნენ ბორჯომში, როგორც ეს გააკეთეს გურჯაანში, სადაც ადამიანები წიწილიან კვერცხებს ისროდნენ“,-განაცხადა ირმა ნადირაშვილმა.