"ევროპულმა საქართველომ" და "ნაციონალურმა მოძრაობამ" რეგიონული პოლიტიკისა და თვითმმართველობის კომიტეტის სხდომა დატოვეს.   

"ევროპული საქართელო" ითხოვდა, რომ დეპუტატები ბორჯომის საკრებულოში ჩასულიყვნენ და დღის ბოლომდე კომიტეტს ბორჯომში მიმდინარე მოვლენებზე განცხადა მიეღოთ.

"კონკრეტული ინიციატივა მინდა შემოგთავაზოთ. პირველი - რომ კომიტეტმა დღის ბოლომდე შეიმუშავოს განცხადება ბორჯომში განვითარებული მოვლენების შეფასების შესახებ. კოლეგებს ვთხოვ, საკუთარი პოზიცია დააფიქსირონ. მეორე - ჩვენ, დეპუტატები, ვისაც გვაღელვებს თვითმმართველობის საკითხი ქვეყანაში, ჩავიდეთ ბორჯომში, გავესაუბროთ საკრებულოს წევრებს და შევისწავლოთ სიტუაცია", - განაცხადა კომიტეტის სხდომაზე ოთარ კახიძემ.

რაც შეეხება "ნაციონალურ მოძრაობას", პარტიის წევრები თინა ბოკუჩავა და ნიკა მელია, ითხოვდნენ კომიტეტისგან თავისი პოზიცია დაეფიქსირებინათ.

სხდომაზე შექმნილი სიტუაცია, კომიტეტის თავმჯდომარე ზაზა გაბუნიამ შეაფასა და აღნიშნა, რომ ოპოზიციონერმა დეპუტატებმა ბორჯომში ჩასვლის სიტუაციის დეესკალაცია მოახდინეს.

"ჩემთვის ღირებული იქნებოდა თქვენი ჩართულობა, როგორც პარლამენტის წევრების, მაგრამ თქვენ ჩახვედით ბორჯომში და მოახდინეთ სიტუაციის დეესკალაცია, ახლა კი, საკითხს აყენებთ კომიტეტზე", - დასძინა გაბუნიამ.

ავტორი: ,

სოციალური ქსელები

ტრამპმა განაცხადა, რომ მზადაა, მიიღოს კონგრესის არჩევნების შედეგები და ითანამშრომლოს დემოკრატებთან

უკრაინულმა დრონებმა სამხრეთ რუსეთში მდებარე Ozon-ის დიდ საწყობს დაარტყა

შეერთებული შტატების კონგრესის ქვედა პალატა დემოკრატების ხელში გადადის, ისინი ყველა კომიტეტზე კონტროლს ამყარებენ

დემოკრატებმა გაიმარჯვეს წარმომადგენელთა პალატისა და სენატის არჩევნებში და მოიპოვეს კონტროლი აშშ-ის კონგრესზე