საქართველოს საგარეო საქმეთა მინისტრმა მიხეილ ჯანელიძემ გაეროს ადამიანის უფლებათა საბჭოში სიტყვით გამოსვლისას საქართველოს მოქალაქის არჩილ ტატუნაშვილის გარდაცვალების ტრაგიკულ შემთხვევაზე და  გიგა ოთხოზორიას მკვლელობის საქმეზე ისაუბრა.

მინისტრმა საერთაშორისო თანამეგობრობას  მიმართა, აღნიშნულ ფაქტებზე სათანადო რეაგირება მოხდეს:

„ადგილობრივ მოსახლეობას წართმეული აქვს სიცოცხლის უფლების მინიმალური გარანტიები. კიდევ ერთხელ შევეხები გიგა ოთხოზორიას საქმეს, ეთნიკური ქართველი, რომელიც ე.წ. მესაზღვრეებმა მოკლეს საოკუპაციო ხაზთან ახლოს, მისი მკვლელი კი დღემდე არ დაუკავებიათ. ეს არ არის ერთეული შემთხვევა. რამდენიმე დღის წინ საოკუპაციო რეჟიმმა საქართველოს სამი მოქალაქე დააკავა, არსებულ ინფორმაციაზე დაყრდნობით, ერთ-ერთ მათგანს, არჩილ ტატუნაშვილს ფიზიკურად გაუსწორდნენ და ის გარდაიცვალა. არჩილ ტატუნაშვილთან ერთად დაკავებულ ორ პირს ჯერ კიდევ არ ეძლევა ოკუპირებული რეგიონის  დატოვების უფლება. ეს ქმედებები მოითხოვს საერთაშორისო თანამეგობრობის შესაბამის კონსოლიდირებულ პასუხს. ხოლო საერთაშორისო ზეწოლის მეშვეობით შესაძლებელია, დასრულდეს რუსეთის ოკუპაცია და მისგან გამომდინარე მძიმე შედეგები, დაცული იყოს ადამიანის უფლებები და  საერთაშორისო სამართალი“,-განაცხადა ჯანელიძემ.

ავტორი: ,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა