ოკუპირებულ ცხინვალში გარდაცვლილი არჩილ ტატუნაშვილის ოჯახი შიშობს, რომ საოკუპაციო რეჟიმი გადმოსვენების პროცედურას განგებ აყოვნებს, რათა რეალური ექსპერტიზის ჩატარება შეუძლებელი გახდეს.

გარდაცვლილის მამის, გიორგი ტატუნაშვილის განცხადებით, მისი შვილი საოკუპაციო რეჟიმის წარმომადგენლებმა მოკლეს.

„ჩემი ვარაუდი ის არის, რომ ჩემი შვილი მოკლულია. აქვე დაადეს ხელზე ბორკილები, ახალგორში და ისე წაიყვანეს. სავარაუდოდ, გზაში მოხდა შეხლა-შემოხლა, არც ეს არის გამორიცხული, რომ ბოღმისგან გული გაუსკდა. იმიტომ, რომ ბორკილები დადებული ჰქონდა, ფიზიკურად ძლიერი ადამიანი იყო და რომ ვერაფერი გააკეთა, ეს იყო მისთვის შეურაცხყოფა. არ ვიცი, აქ ხომ ჩააუტარდება ექსპერტიზა და ყველაფერი გაირკვევა“, - განაცხადა გიორგი ტატუნაშვილმა.

მისივე თქმით, არჩილ ტატუნაშვილის ცხედრის გადმოსვენება სავარაუდოდ დღეს მოხდება.

"იქაურებთან არანაირი კონტაქტი არ მაქვს. ჩვენი უშიშროების სამსახურის წარმომადგენლებმა დაირეკეს და სავარაუდოდ დღეს მოხდება გადმოსვენება", - დასძინა ტატუნაშვილმა.

ავტორი: ,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს