22-23 თებერვალს საქართველოს ოფიციალური ვიზიტით დანიის სამეფოს საგარეო საქმეთა მინისტრი ანდერს სამუელსენი ეწვევა.

საქართველოს საგარეო უწყების პრესსამსახურის ინფორმაციით,  ვიზიტის ფარგლებში დანიის საგარეო უწყების ხელძღვანელი შეხვედრებს გამართავს საქართველოს პრეზიდენტთან, პრემიერ-მინისტრთან, პირველ ვიცე-პრემიერთან, ეკონომიკისა და მდგრადი განვითარების მინისტრთან და ვიცე-პრემიერთან, საგარეო საქმეთა მინისტრთან.

შეხვედრებისას ყურადღება გამახვილდა ორმხრივი ურთიერთობების მნიშვნელოვან საკითხებზე და სამომავლო პერსპექტივებზე.

საქართველოს ვიცე-პრემიერთან, საგარეო უწყების ხელმძღვანელთან მიხეილ ჯანელიძესთან შეხვედრის შემდგომ გაიმართება „დანიის სამეზობლო პროგრამის" პრეზენტაცია. პროგრამა  ითვალისწინებს საქართველოსთვის ფინანსურ დახმარებას, რაც მოიცავს ორ მთავარ მიმართულებას: დემოკრატიისა და ადამიანის უფლებების ხელშეწყობა და მდგრადი და ინკლუზიური ეკონომიკური განვითარების მხარდაჭერა. აღსანიშნავია, რომ დანიის გადაწყვეტილებით ახალ 2017-2021 წლების სამეზობლო სტრატეგიაში პრიორიტეტულ ნუსხაში ადრე არსებული 7 ქვეყნიდან დარჩა მხოლოდ საქართველო და უკრაინა.

„დანიის სამეზობლო პროგრამის" პრეზენტაციის დასრულების შემდგომ გაიმართება ორი ქვეყნის საგარეო საქმეთა მინისტრების ერთობლივი პრეს-კონფერენცია.

ავტორი: ,

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა