საპარლამენტო უმრავლესობის წევრის ბექა ოდიშარიას განცხადებით, ვეტოს დაძლევა მმართველი გუნდის თვითმიზანი არ არის.

თუმცა, ოდიშარის განმარტებით, ვერ მოისმინა რეალური არგუმენტები, რატომაც შემოთავაზებული ცვლილებები ძალაში არ უნდა შევიდეს. ამიტომ, ოდიშარია მიიჩნევს, რომ პარლამენტმა პრეზიდენტის ვეტო უნდა დაძლიოს:

„გაუგებარია, როდესაც პრეზიდენტის ადმინისტრაციის წარმომადგენელი ავითარებს ისეთ ლოგიკას, როდესაც ვქმნით რაღაცა მტრის ხატს იმისგან, რომ შეიძლება საერთო საზოგადოებრივი ქონება, რომელიც არის საზოგადოებრივი მაუწყებლი, მისი გაძლიერება დაიხატოს აპოკალიპტურ ფერებში და ამას დავუპირისპიროთ ღირებული, ძალიან მნიშვნელოვანი, თუმცა კერძო ბიზნესად არსებული სხვადასხვა მედიასაშუალებები, რომელთა დემოკრატიულ გარემოში მოღვაწეობის ერთ-ერთ გარანტად, ყოველგვარი ყალბი თავმდაბლობის გარეშე, მართალც მიმაჩნია დღევანდელი ხელისუფლება. ქალბატონმა ანამ მხოლოდ ისლანდია ახსენა და არა ის დანარჩენი ოთხათეულზე მეტი ქვეყანა, რომელიც ნახსენებია ევროპის მაწუყებელთა კავშირის ანგარიშში და რომელიც  ზურგს უმყარებს წარმოდგენილ ცვლილებებს. აქ იკითხება რაღაც შეტევა მაუწყებელზე, როგორც კონკურენტზე. ვფიქრობ,  რომ არ იყოს საუბარი რეკლამაზე, კომერციულ საქმიანობაზე, მაშინ ასეთივე წარმატებით დააყენებდნენ საკითხს დაფინანსებაზე. გაუგებარია პოლიტიკური განცხადებები და გრძნობებით სავსე რაღაც ლოზუნგები, როდესაც შემოთავზებული ცვლილებები საპირისპიროა. არასოდეს ყოფილა ჩემი და ჩემი კოლეგების თვითმიზანი ვეტოს დაძლევა, მიმაჩნია, რომ დღეს  ვეტო უნდა დაიძლიოს და მაუწყებელს  ახალი შანსი მიეცეს“,-განაცხადა ბექა ოდიშარიამ.

ავტორი: ,

სოციალური ქსელები

პუტინმა და ტრამპმა ტელეფონით ისაუბრეს

კრემლი: ტრამპმა პუტინს მოუწოდა, აშშ-სთან თანამშრომლობის მიზნით, უკრაინაში საბრძოლო მოქმედებები სწრაფად დაასრულოს

ნიღბიანმა თეთრკანიანმა ნაციონალისტებმა ვაშინგტონში დამოუკიდებლობის დღეს მასშტაბური მსვლელობა გამართეს

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა