გერმანიის შინაგან საქმეთა სამინისტრომ საქართველოდან თავშესაფრის მაძიებელთა სტატისტიკა გაასაჯაროვა. ამის შესახებ ინფორმაციას Die Welt ავრცელებს.

გერმანიის შს უწყების ინფორმაციით, 2017 წლის სექტემბერში გერმანიაში თავშესაფარი საქართველოს 238-მა მოქალაქემ მოითხოვა, ოქტომბერში თავშესაფარს 355 ადამიანი ითხოვდა, ნოემბრის თვეში რიცხვი ისევ გაიზარდა და 444 შეადგინა. დეკემბრის მონაცემებით, თავშესაფარს საქართველოს 522 მოქალაქე ითხოვდა, ხოლო იანვარში - 745 პირი.

ბუნდესტაგში „ქრისტიანულ-დემოკრატიული კავშირისა“ და „ქრისტიანულ-სოციალური კავშირის“ ფრაქციის სპიკერის სტეფან მაიერის განცხადებით, ეს საკითხი დროულ მიდგომას საჭიროებს.

„თუ სიტუაცია დროულად არ გამოსწორდა, ევროკავშირმა უნდა იმოქმედოს და ისევ შემოიღოს სავიზო რეჟიმი“, - განუცხადა მაიერმა.

მისივე თქმით, ქართველების უმეტესობა ვიზალიბერალიზაციას ბორატად იყენებს. მაიერმა დასძინა, რომ ხშირ შემთხვევაში საქართველოს მოქალაქეები თავშესაფარს არალეგიტიმურად ითხოვენ.

თავად გამოცემა წერს, რომ თავშესაფრის მაძიებელთა რაოდენობის ზრდა, გერმანიას ე.წ. შეჩერების მექანიზმის საკითხის განხილვასაც აიძულებს.

ავტორი: ,

სოციალური ქსელები

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს

რუტემ სამხედრო შესყიდვებისთვის ნატოს „ერთიანი ფანჯრის“ შექმნის შესახებ განაცხადა

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს