დემირელის კოლეჯის ხარისხის მართვის ყოფილმა მენეჯერმა, მუსტაფა ემრე ჩაბუქმა გათავისუფლების შემდეგ მედიასთან პირველი კომენტარი გააკეთა.

როგორც ჩაბუქმა აღნიშნა, ის არის განათლებაზე შეყვარებული მასწავლებელი და ყოველთვის ტერორიზმის წინააღმდეგი იყო.

მისი თქმით, საქართველოში 15 წელია მოღვაწეობს იმ პრინციპით, რომ ბავშვებში სიყვარული, მშვიდობა და მეგობრობა ჩანერგოს.

ამასთან, ჩაბუქის განცხადებით, მისი პროექტები და ზოგადად მოღვაწეობა საქართველოს მთავრობის და კონკრეტულად განათლების სამინისტროს მხრიდან დადებითად ფასდებოდა.

„ყოველთვის ჩემი პროექტები და მოღვაწეობა დადებითად ფასდებოდა მთავრობისგან, განათლების სამინისტროსგან. ლეგალურად თუ არალეგალურად, მე ვერცერთ შემთხვევაში ვერ ვიქნები ვერც ერთი ტერორისტული დაჯგუფების წევრი ან მომხრე. თამამად შემიძლია გითხრათ, რომ პოლიტიკური პატიმარი ვიყავი“, - განაცხადა ჩაბუქმა.

ჩაბუქმა  ყველა იმ ადამინს, რომელიც მას მხარს უჭერდა, მადლობა გადაუხდა. მანვე აღნიშნა, რომ პრესკონფერენციას გამართავს, სადაც მის საქმიანობასთან დაკავშირებით უფრო დეტალურად ისაუბრებს.

ავტორი: ,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა