შინაგან საქმეთა მინისტრის მოადგილის ნათია მეზვრიშვილის განცხადებით, 14 წლამდე ასაკის პირებში დანაშაულმა იმატა, თუმცა სახეზეა  საკუთრების წინააღმდეგ მიმართული დანაშაულის მატება და  არა  ძალადობრივის.

მეზვრიშვილის თქმით,  სისხლის სამართლებრივი პასუხისმგებლობის ასაკის დაწევა ამ შემთხვევაში გამოსავალი არ არის. მეზვრიშვილის განმარტებით, შინაგან საქმეთა სამინისტრო პრევენციისა და  რეფერირების მექანიზმის დახვეწის  მიმართულებით აქტიურად მუშაობს:

„14 წლამდე პირებს სისხლის სამართლებრივი პასუხისმგებლობა არ ეკისრებათ, თუმცა ის ფაქტი, რომ ამ პირებში გარკვეულწილად  დანაშაულმა მოიმატა,  თუმცა საუბარია საკუთრების წინაარღმდეგ მიმარტთულ დანაშაულებზე, საბედნიეროდ  არ გვაქვს მატება ძალადობრივი დანაშაულის, არ ნიშნავს იმას, რომ ჩვენ უნდა დავწიოთ პასუხისმგებლობის ასაკი და სისხლის სამართლებრივი პასუხისმგებლობის დაწესება გამოვაცხადოთ ერთადერთადერთ გამოსავლად ამ პრობლემის მოგვარების. ჩვენ ვმუშაობთ შესაბამის სოციალურ სამსაუხრებთან, ჯანდაცვის სმაინისტროსთან, განათლების  სამინისტროსთან ერთად იმაზე, რომ ცოტა სხვა მიმართულებით წავიდეთ, ვიმუშაოთ პრევენციაზე, შევთავაზოთ გარკვეული სერვისები ასეთ მოზარდებს. მანდატურების რეფორმაზე როგორც მოგეხსენებათ  უკვე განათლების  სამინისტროსთან ერთად კანონპროექტი მოვამზადეთ,  გასულ კვირას ეს საკითხები განვიხილეთ პარლამენტში სამუშაო ჯგუფის ფორმატში და მომდევნო  კვირაში მთავრობაზე  ამ კანონპროექტის ინიცირება მოხდება, რაც ისახავს მიზნად სკოლაში და მიმდებარე ტერიტორიაზე უსაფრთხო გარემოს კიდევ უფრო  გაძლიერებას და მეორე მიმართულება- იუსტიციის სამინისტროში უწყებათაშორისი ჯგუფის ფარგლებში  ვმუშაობთ რეფერირების  მექანიზმის დახვეწაზე.უახლოეს დღეებში ეს საბჭოც შეიკრიბება და  უკვე საკანონმდებლო ცვლილებებზე ამ ნაწილში აქტიურ რეჟიმში გადავალთ.საუბარია იმაზე,რომ არ მუშაობს ის სარეაბილიტაციო დაწესებულებები, რომლებიც გვაქვს და ამ მიმართულებით ვმუშაობთ და მეორე მიმართულებაა რეფერირების მექანიზმის დავეწა, რათა ბავშვი, 14 წლამდე მოზარდი, რომელიც დანაშაულს ჩაიდენს, გასაგებია, რომ სისხლის სამართლებრივი პასუხისმგებლობა არ ეკისრება, მაგრამ  მთლად არ დარჩეს რეაგირების გარეშე-მოხდეს მისი რეაბილიტაცია- რესოციალიზაცია ერთის მხრივ, მეორეს მხრივ დანაშაულის პრევენცია“,-განაცხადა ნათია მეზვრიშვილმა.

ავტორი: ,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა