საქართველოს მესამე პრეზიდენტის მიხეილ სააკაშვილის განცხადებით, პოლონეთს უფლება აქვს, რეადმისიით ის ისევ უკრაინას გადასცეს.

როგორც სააკაშვილმა აღნიშნა, უახლოეს მომავალში ის ევროპის ქვეყნებში ჩასვლას აპირებს, რის შემდეგაც უკრაინაში დაბრუნდება.

"ეს სხვათაშორის არ არის პირველი შემთხვევა როდესაც ვარშავაში მაძევებენ. ბოლოს, როდესაც უკრაინის ტერიტორიაზე გადავედით ჩემს გვერდით პოლიტიკოსები, მხარდამჭერები და ევროპარლამენტარები იყვნენ. მაშინ მე შავ სიაში ვიყავი შეყვანილი. ეს მარშრუტი ჩემთვის უცხო არ არის. შემდეგ ჯერზე, ევროპის ნებისმიერი ქვეყნიდან, ჩვეულებრივი რეისით მე წყნარად ჩავფრინდები ბორისპოლში და იქ მე ხალხი დამხვდება. პოროშენკო ახლა სუსტია და ეს დრო უნდა გამოვიყენოთ. უახლოეს დღეებში ოჯახის წევრებს შევხდები ჰოლანდიაში. ევროპის ქვეყნებში გადაადგილების პრობლემა არ მაქვს. გაჩერებას არ ვაპირებ - საქმეები მაქვს უკრაინაშიც და საქართველოშიც", - განაცხადა ყოფილმა პრეზიდენტმა.

შეგახსენებთ, რომ 12 თებერვალს კიევის ერთ-ერთ რესტორანში საქართველოს მესამე პრეზიდენტი მიხეილ სააკაშვილი სპეცრაზმელებმა დააკავეს. ამის შემდეგ ყოფილი პრეზიდენტი პოლონეთში გააძევეს და განაცხადეს, რომ მას უკრაინის ტერიტორიაზე ლეგალურად ყოფნის საფუძველი არ ჰქონდა. თავად სააკაშვილი გაძევებას პოლიტიკურ დევნად აფასებს და აცხადებს, რომ ეს ვლადიმერ პუტინის, პეტრო პოროშენკოს და ბიძინა ივანიშვილის ერთობლივი გადაწყვეტილებაა. 

ავტორი: ,

სოციალური ქსელები

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა